Salmo 99
99
Salmo 99 (98)
Dios Yaya poderyuq rey kanqanpita alabanqan
1¡Dios Yayam mandamaqnintsik rey!
Querubinkunapa chawpinchömi trönunpis.#Éxo. 25.18-22; Sal. 80.1; Isa. 37.16.
Juzgaptinmi kay patsawan llapan runakunapis tsuktsukyäyanqa.
2 Sión lömachö Dios Yayam poderösu.
Kay patsachö runakunatam poderninchö llapanta katsin.
3¡Poderyuq y mantsakaypaq kanqanpita alabayay!
¡Payqa santum!
4Dios Yaya, poderösu reymi kanki.
Imaypis allillatam ruranki.
Entëru Israel nacionchömi imaypis alli mandanki.
5¡Diosnintsikta alabayay!
¡Puntanman qonqurikuyay!
¡Payqa santum!
6Moiséswan Aarónmi serviqnin sacerdötikuna kayarqan.
Samuelmi imaypis payta mañakurqan.
Paykuna mañakuyaptinmi Dios Yaya imaypis yanaparqan.
7Pukutay ichiraykaqpitam Moiséstawan Aarónta parlapämurqan.#Éxo. 33.9.
Paykunam llapan leyninkunata cumpliyarqan.
8 Dios Yayallä, mañakuyäshuptikim wiyarqayki.
Jutsankunapita castigarpis perdonarqaykim.
9¡Diosnintsikta alabayay!
¡Sagrädu lömaman aywar qonqurikuyay!
¡Diosnintsikqa santum!
Currently Selected:
Salmo 99: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
