Salmo 97
97
Salmo 97 (96)
Dios Yaya mandamaqnintsik rey kanqan
1¡Dios Yayam mandamaqnintsik rey!
¡Kay patsachö täkuqkuna, kushikuyay!
¡Maytsay islachö täkuqkuna, kushikuyay!
2Paypa lädunchömi yana pukutay kaykan.
Alli mandakuyninwanmi pitapis mana jananpar juzgan.
3Puntantam nina rupaykar aywan.
Tsay ninawanmi chikiqninkunata ushakätsin.
4Illaqukuyninpis kay entëru patsatam atsikyapan.
Tsayta rikarmi kay patsa alläpa tsuktsukyan.
5 Dios Yayam kay entëru mundupa duëñun.
Paypa puntanchömi jirkakunapis vëlanö tsulluyan.#Miq. 1.4; Nah. 1.5.
6Ciëlupis Dios Yaya alli ruraq kanqantam willakun.
Maytsay nacionchö täkuq runakunapis poderösu kanqantam rikäyan.
7Llapan dioskunapis#Sal. 96.5. Dios Yayapa puntanmanmi qonqurikuyan.
Tsaymi ïdulukunata adoraqkuna penqakushqa quëdayanqa.
Ïdulukunata adorar allish chölu tukuqkunam llapan penqakuyanqa.
8 Dios Yaya, qammi runakunata rasun kaqllata juzganki.
Tsaymi Siónchö täkuqkuna alläpa kushikuyan.
Entëru Judáchö täkuq runakunapis alläpam kushikuyan.
9 Dios Yaya, kay entëru munduchö kaqkunapaqpis poderösum kanki.
Llapan dioskunapitapis mas poderösum kanki.
10Jutsa ruraypita mantsakuqkunatam Dios Yaya kuyan.
Payman confiakuqkunatam cuidan.
Mana alli ruraq runakunapa poderninpitam libran.
11Tsaymi alli runakunaqa aktsichönö alli kawakuyan.
Dios munanqannö kawakuq runakunam kushikuyan.
12Alli ruraq runakuna, Dios Yayapa poderninchö kayanqaykipita kushikuyay.
Paypa shutinchö alabayay.
Currently Selected:
Salmo 97: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
