Salmo 60
60
Salmo 60 (59)#2Sam. 8.3-14; 1Crón. 18.3-12.
Yanapananpaq Dios Yayata mañakunqan
Salmo 108.6-13
1-2 (1-2) Cantaqkunapa mandakuqninpaqmi. Liriu waytakuna niyanqan cantupa tönunwan kay testimoniu salmuta cantayanki. David qellqanqan salmu. Yachatsinapaqmi. Naharaim partichö y Soba partichö täkuq Aram runakunawan pelyanqanta yarparmi kay salmuta qellqarqan. Tsaynöllam Joab tsaypita kutir chunka ishkay waranqa (12,000) edomita runakunata Kachi Pampachö wañutsinqanta yarparnin kay salmuta qellqarqan.
1 1 (3) Dios Yayallä, rabyaskirmi yanapayämankinatsu.
Kanan yapay yanapaykayällämay.
2 2 (4) Qammi castïguykiwan kay patsata kuyutsir resyatsishkanki.
Tsay resyashqa patsata kutikätsir allitsaykullay.
3 3 (5) Alläpa ñakaymanmi churayämashkanki.
Qam castigayämaptikim vïnu upyashqa runa machashqa kanqannö upilakashqa kaykäyä.
4 4 (6) Qampita mantsakuyaptïqa chikimaqkuna manaraq flëchayämaptin qeshpir aywakuyänäpaq yanapaykayällämay. Selah
5 5 (7) ¡Poderösu kaynikiwan libraykayällämay!
Tsaynöpam kuyanqayki runakuna kar librina kayäshaq.
6 6 (8) Templunchömi Dios Yaya nirqan:
<<Siquem partita y Sucot pampatam kushishqa entregayäshayki.
7 7 (9) Galaad runakuna y Manasés runakuna täkuyanqan partikunapis noqapam.
Efraín runakunaqa guërrachö tsapäkunä cascum kayan.
Judá runakunaqa mandakunä väram kayan.
8 8 (10) Moab nacionmi mayllakunä lavatoriu kayan.
Edom nacionmanmi llanqïta jitarishaq.
Filisteo runakunata venciskirmi alläpa kushikushaq>>.
9 9 (11) Murallashqa markata atacayänäpaq ¿piraq pushayämanqa?
Edom nacionta atacayänäpaq ¿piraq pushayämanqa?
10 10 (12) Dios Yayallä, dëjaskayämaptikiqa yanapayämänanpaq manam ni pipis kantsu.
Mananam soldädükunatapis yanapankinatsu.#Sal. 44.9; 108.11.
11 11 (13) Runakuna yanapayämaptinpis manam servimantsu.
Conträkunata venciyänäpaq yanapaykayällämay.
12 12 (14) Dios Yaya yanapamashqam vencishun.
Paymi chikiqnintsikkunata ushakätsinqa.#Sal. 44.5.
Currently Selected:
Salmo 60: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
