Salmo 59
59
Salmo 59 (58)#1Sam. 19.11-17.
Imapitapis tsapämaqnintsik Dios Yaya kanqan
1 (1) Cantaqkunapa mandakuqninpaqmi. Ama ushakätsiytsu niyanqan cantupa tönunwan kay salmuta cantayanki. Payta wañutsiyänanpaq wajinman Saúl kachanqanta yarparmi kay salmuta David qellqarqan.
1 1 (2) Dios Yayallä, chikimaqnïkunapita libraykallämay.
Atacamaqnïkunapita tsapaykallämay.
2 2 (3) Mana alli runakunapita libraykallämay.
Wañutsikuqkunapita salvaykallämay.
3 3 (4) Dios Yaya, ima jutsatapis mana ruraykaptïmi poderyuq runakuna wañutsiyämänanpaq shuyaraykäyäman.
4 4 (5) Mana allikunata mana ruraykaptïmi conträkuna atacayämänanpaq alistakuykäyan.
¡Sas shamur yanapaykallämay!
¡Imanö kanqäta rikaykallämay!
5 5 (6) Llapanta mandaq Dios Yaya, qammi Israel runakunata kuyaq Dios kanki.
Mana cäsukuq mana alli runakunata castigaykullay.
Paykunataqa ama llakipaykuytsu. Selah
6 6 (7) Paykunam paqaspa kutimur allqu aullaqnö timpullyarraq markatapis tumapäyan.
7 7 (8) Rabyarmi pushuqaytapis kachuyanraq.
Mana wiyanqaykita yarparmi tukuyläya mana allikunata parlayan.
8 8 (9) Dios Yayallä, paykunatam kushipanki.
Mana confiakamuqkunatam asipanki.#Sal. 2.4.
9 9 (10) Qammi tsapämaqnï kanki.
Qammi imaykapitapis cuidamaqnï kanki.
10 10 (11) Qammi kuyamaqnï Dios Yaya kanki.
Musyämi yanapamänaykipaq kanqanta.
Janä pelyaptikim chikimaqkunata vencinqaykita rikäshaq.
11 11 (12) Tsay llapan runakunata ama ushakaykatsillaytsu.
Poderösu kaynikiwan maytsaypa qarquykullay.
Tsaynöpam castiganqaykita imaypis qonqayäshaqtsu.
¡Dios Yayalläkuna, tsapäyämaq escüdükunam kanki!
12 12 (13) Paykunam imata parlarpis mana allita parlayan.
Allish tukur llullakuyanqanpita imayka desgraciapis päsatsun.
13 13 (14) Rabyaynikiwan jankat ushakaykatsillay.
Paykunata mana juk dëjar ushakaykatsillay.
Tsaynöpam pïmay musyanqa Jacobpa mirayninkunachö y maytsay nacionkunachö rey kanqaykita. Selah
14 14 (15) Tsay mana alli runakunam paqaspa kutimur allqu aullaqnö timpullyarraq markatapis tumapäyan.
15 15 (16) Wakpa kaypam mikuyta ashir puriyanqa.
Mikuy tariyanqanwan pachankuna mana juntaptinmi allqu aullaqnöraq qayaraykachäyanqa.
16 16 (17) Peru noqam sïqa poderösu kanqaykipita cantapäshayki.
Kuyakuq kanqaykipitam cada alliq alabashayki.
Qammi imaykapitapis tsapämaqnï kanki.
Qammi llakikunqä höra tsinkakunä kanki.
17 17 (18) Dios Yaya, qamtam alabashayki.
Qammi tsapämaqnï y tsinkakunä kanki.
Qamllam kuyamaqnï Dios kanki.
Currently Selected:
Salmo 59: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
