Salmo 61
61
Salmo 61 (60)
Mana allikunapita tsapänanpaq Dios Yayata mañakunqan
1 (1) Cantaqkunapa mandakuqninpaqmi. Cuerdayuq instrumentuta töcar cantayanki. David qellqanqan salmu.
1 1 (2) Dios Yayallä, qayakamuptï wiyaykallämay.
Mañakamuptï chaskiykallämay.
2 2 (3) Manana valornï kaptinmi shonqüpis ushakaykanna.
Markäpita alläpa karuchö karmi rugakur mañakallämuq.
Mas altu qaqaman pakaykallämay.
3 3 (4) Qammi tsinkakunä törri kanki.
Qammi chikimaqkunapita tsapämaq kanki.
4 4 (5) Sagrädu carpaykichömi imaypis täkuyta munä.
Ripraykiwanmi imaykapitapis tsapämanki.#Deut. 32.10-11; Sal. 17.8; 63.7; 91.4. Selah
5 5 (6) Dios Yayallä, llapan äninqaqtam musyanki.
Qampita mantsakuqkuna chaskiyänanpaqmi herenciata qaramashkanki.
6 6 (7) Rey atska wata kawananpaq yanapaykullay.
Payqa imayyaqpis kawaykullätsun.
7 7 (8) Bendicionnikiwan imaypis mandakuykullätsun.
Mana dëjaypa yanapaykullay.
8 8 (9) Tsaynö yanapanqaykipitam alabarniki imaypis cantashaq.
Llapan prometinqaqkunatam waran waran cumplishaq.
Currently Selected:
Salmo 61: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
