Salmo 42
42
Libru 2
Salmo 42—72
Salmo 42 (41)
Yakunaypanöraq Dios Yayata ashinqan
1 (1) Cantaqkunapa mandakuqninpaqmi. Corépita miraqkuna qellqayanqan salmum.
1 1 (2) Dios Yaya, lluytsu yakuta ashinqannöraqmi noqapis qamta ashiykaq.
2 2 (3) Imayyaqpis kawaq Dios kaptikim yakunaypanöraq qamta ashiq.#Sal. 63.1; 143.6.
¡Imayraq puntaykiman chämushaq qamta adoranaqpaq!
3 3 (4) Imay hörapis runakunam asipämar niyäman: <<¿Maytan Diosniki?>>
Tsaymi alläpa llakikuywan mallaqaypis kantsu.
Waqaykarllam waräpis qoyäpis.
4 4 (5) Unayqam atskaq runakunata pusharkur Dios Yayapa wajinman aywarqä.
Tsaychömi fiestata rurar Dios Yayata kushishqa alabarqä.
Tsaykunata yarpaskirmi alläpa llakikü.
5 5 (6) Ay vïdallay vïda, ¿imanirtan turbakä?
¿Imanirtan llakikü?
Dios Yayallamanmi imaypis creyikushaq.
Paytam imaypis alabashaq.
Paymi salvamaqnï Dios Yaya.
6 6 (7) Manam imata ruranäpaqpis gänasnï kantsu.
Hermón y Mizar jirkakunapita Jordán mayu yarqamuqchö kaykarpis qamllatam yarparaykaq.
7 7 (8) Manana yanapamaptikim alläpa llakishqa kaykä.#Jon. 2.3.
Tsay llakikunqäqa bunyaypa bunyar mayu aywaptin qaqakuna yachapanqannömi mantsakaypaq.
8 8 (9) Peru Dios Yayam kuyakuq kanqanta waran waran tantiyatsiman.
Paqaspapis alabanäpaqmi yanapaman.
Kawayta qaramaq Dios Yayatam llapan shonqüwan mañakü.
9 9 (10) Imaykapita tsapämaqnï Dios Yayata mañakurmi nï:
<<¿Imanirtan qonqamashkanki?
Conträ shäriyaptin llakishqa mana purinäpaq yanapaykallämay>>.
10 10 (11) Chikimaqnïkunam waran waran niyäman:
<<¿Maychötan Diosniki kaykan?>>
Tsaynö nir asipäyämaptinmi shonqüpis tuksishqanöraq nanan.
11 11 (12) Ay vïdallay vïda, ¿imanirtan turbakä?
¿Imanirtan llakikü?
Dios Yayallamanmi imaypis creyikushaq.
Paytam imaypis alabashaq.
Paymi salvamaqnï Dios Yaya.
Currently Selected:
Salmo 42: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
