Salmo 41
41
Salmo 41 (40)
Qeshyaykaq runa Dios Yayata mañakunqan
1 (1) Cantaqkunapa mandakuqninpaqmi. David qellqanqan salmu.
1 1 (2) Waktsakunata yanapaq runam kushishqa kawakun.#Prov. 14.21.
Paytam ima desgracia shamuptinpis Dios Yaya yanapan.
2 2 (3) Nacionninchö kushishqa kawakunanpaqmi cuidan.
Contran shäriqkunapitam tsapan.
3 3 (4) Qeshyar ujuraptinmi kutikätsin.
Ima qeshyaywan qeshyaptinpis jampinmi.
4 4 (5) Dios Yayata mañakurmi nirqä:
<<Dios Yaya, llakipaykallämay.
Rabyatsirnikim jutsata rurashkä.
Perdonamar kutikaykatsillämay>>.
5 5 (6) Chikimaqnïkunam wañunäta munar niyan:
<<¡Imayraq wañunqa!>>
6 6 (7) Rikämaq shamurpis shimillankunawanmi allitupäyäman.
Shonqunkunachöqa rabyapäyämarmi chikiyäman.
Puntäpita yarquskirmi conträ parlar puriyan.
7 7 (8) Qorikaskirmi washä rimayäman.
Jutsäpita ñakanqäta yarparmi niyan:
8 8 (9) <<Supay qeshyatsiptinmi alläpa ñakaykan.
Ujuranqanpita mananam ni imaypis shärinqanatsu>>.
9 9 (10) Kuyanakuyanqä amïgüpis conträmi tikrashqa.
Noqawan paqta mikuykarmi conträ shärishqa.#Mat. 26.23; Mar. 14.20; Luc. 22.21; Juan 13.18.
10 10 (11) Dios Yaya, llakipaykallämay.
Chikimaqnïkuna musyayänanpaq kutikaykatsillämay.
11 11 (12) Kutikätsimaptikim chikimaqnïkuna kushipäyämanqanatsu.
Tsaynöpam musyashaq alläpa kuyamanqaykita.
12 12 (13) Manam mana allikunata rurashkätsu.
Makikiwan imaypis jancharaykallämay.
Puntaykichö imaypis kaykatsillämay.
13 13 (14) Adoranqantsik Dios Yaya kananpis imaypis alabashqa kaykullätsun.
¡Amén! ¡Tsaynö katsun!#Sal. 106.48.
Currently Selected:
Salmo 41: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
