Salmo 43
43
Salmo 43 (42)
Salvananpaq mañakunqan
1Dios Yaya, mana cäsuqniki runakunapita salvaykallämay.
Tsay llulla y mana alli runakunapita libraykallämay.
2Qammi imaykapitapis tsapämaqnï Dios Yaya kanki.
¿Imanirtan qonqamashkanki?
Conträ shäriyaptinpis llakishqa mana purinäpaq yanapaykallämay.
3Taytay, äninqaykita cumplir yanapaykallämay.
Täkunqayki sagrädu lömachö templuykiman pushaykallämay.
4Tsaynöpam altarnikiman chaykur arpata töcar alabashayki.
Dios Yayallä, qammi imaypis kushikuynï qaramanki.
5Ay vïdallay vïda, ¿imanirtan turbakä?
¿Imanirtan llakikü?
Dios Yayallamanmi imaypis creyikushaq.
Paytam imaypis alabashaq.
Paymi salvamaqnï Diosnï.
Currently Selected:
Salmo 43: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
