Salmo 141
141
Salmo 141 (140)
Mana jutsata rurananpaq Dios Yayata mañakunqan
1a (1a) David qellqanqan salmu.
1 1 (1b) Dios Yaya, qamtam mañakallämuq.
Yanapamänaykipaq shamuykullay.
Rugakamuptï sas yanapaykallämay.
2Mañakamunqä inciensiunö puntaykiman chämutsun.
Makïta pallarkur rugakamunqäpis alliqpa rupatsiyanqan sacrificiunö kaykullätsun.#Apoc. 5.8.
3 Dios Yaya, mana allikunata mana parlanäpaq shimïta tsapaykullay.
Mana allikunata mana parlanäpaq imaypis yanapaykallämay.
4Shonqü mana allikunata mana yarpänanpaq tantiyaykatsillämay.
Jutsa ruraqkunawan compinchi kanäta ama permïtiykullaytsu.
Paykunawan mikur upyar kanäta ama permïtiykullaytsu.
5Alli runa corrigimar astamaptinmi chaskikü.
Consejamanqantam cäsukü.
Jutsa ruraqkuna yätsiyämanqantam sïqa wiyaytapis munätsu.
Paykunata castigananpaqmi Dios Yayata imaypis mañakü.
6Mandaqninkunatam imayka desgraciakunapis päsanqa.
Tsayraqmi musyayanqa willakunqä rasunpa kanqanta.
7Yapyashqa kurpakuna mashtaraqnömi tullunkunapis panteonkunachö mashtaranqa.
8 Dios Yaya, qamllamanmi confiakamü.
Ama dëjaykallämaytsu.
9Mana alli runakuna trampata churapäyämanqanman mana ishkinäpaq tsapaykallämay.
10Trampata churapäyämanqanman kikinkuna shikwayätsun.
Peru noqataqa salvaykallämay.
Currently Selected:
Salmo 141: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
