Salmo 142
142
Salmo 142 (141)
Yanapananpaq Dios Yayata mañakunqan
1 (1) Machaychö tsinkakunqanta yarparmi kay salmuta David qellqarqan.#1Sam. 22.1; 24.3.
1 1 (2) Dios Yaya, llapan kallpäwanmi mañakamü yanapaykamänaykipaq.
Llapan shonqüwanmi rugakamü llakipaykamänaykipaq.
2 2 (3) Llapan imayka päsamanqankunatam willaykuq.
Llakikunqätapis qamtam willaykuq.
3 3 (4) Shonqü llakikur malagäna kaptinpis qammi animatsimashkanki.
Purikunä näniman trampata churaqnömi mana alli runakuna mana alliman shikwanäta munayan.
4 4 (5) Animatsimänanpaq manam confianza amïgüpis kantsu.
Janä shärinanpaq manam pipis kantsu.
Manam ni pipis yarpämantsu.
5 5 (6) Dios Yaya, mañakurnikim niq:
<<Kay patsachöqa qamllam herenciä y tsapämaqnï kanki>>.
6 6 (7) Mañakamunqaqta wiyaykallämay.
Valornïpis ushakaykannam.
Chikimaqnïkunapa makinpita tsapaykallämay.
Noqapita mas kallpasapam kayan.
7 7 (8) Carcelchönömi kaykä.
Shutikichö alabanaqpaq jipiykallämay.
Yanapamanqaykipita kushikurmi confiakamuq majïkunawan alabayäshayki.
Currently Selected:
Salmo 142: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
