Salmo 138
138
Salmo 138 (137)
Dios Yayata agradëcikunqan
1a (1a) David qellqanqan salmu.
1 1 (1b) Llapan shonqüwanmi alabashayki.
Salmukunata cantarmi ciëluchö poderyuq kaqkunapis wiyayämänanpaq alabashayki.
2Qamman y palabraykimanqa manam ni imapis iwalantsu.
Tsaymi santu templuyki kaqläpa qonqurikuykur alabashayki.
Llakipäkuq kanqaykita y äninqaykita cumpliq kanqaykipitam alabashayki.
3Mañakamuptïmi wiyamashkanki.
Animatsimarmi kallpata qaramashkanki.
4 Dios Yaya, palabraykita cäsurmi kay patsachö llapan reykunapis alabayäshunki.
5Ruranqayki alli kanqanta musyarmi kushikur alabayäshunki.
Alläpa poderösu y llakipäkuqmi kanki.
6 Dios Yaya, ciëlupitam qollmi shonqu runakunata yanapaykämunki.
Peru allish tukuqkunatam sïqa cäsunkitsu.
7Ima problëmachö kaptïpis qammi yanapamanki.
Chikimaqnïkuna alläpa rabyar conträ shäriyaptinpis derëcha kaq makikiwanmi tsapämanki.
8 Dios Yaya, noqapaq yarpanqaykitam imaypis cumplinki.#Fil. 1.6.
Imaypis kuyamankim.
Kuyaykämarqa ama dëjaykallämaytsu.
Currently Selected:
Salmo 138: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
