Salmo 139
139
Salmo 139 (138)
Dios Yaya llapanta musyanqanpita alabanqan
1a (1a) Cantaqkunapa mandakuqninpaqmi. David qellqanqan salmu.
1 1 (1b) Dios Yaya, imanö kanqätam reqimanki.
2Musyankim imay jamanqäta y imay shärinqätapis.
Karupitapis yarpanqäkunatam musyanki.
3Alliq shärikunqäpita paqas puñunqäyaqmi llapan ruranqäkunata musyanki.
Maypa aywaptïpis rikaykämankim.
4 Dios Yaya, manaraq parlaptïmi imata ninaqpaqpis musyanki.
5Maychö kaptïpis cuidaykämankim.
Maki paltaykiwanmi tsapaykämanki.
6Tsaynö kanqaykim alläpa kushikuypaq.
Manam ni imanöpa tantiyayta puëdïtsu.
7Espïrituyki rikaykämaptinqa ¿maymanraq tsinkaküman?
Puntaykipita ¿mayllamanraq qeshpir aywaküman?
8Qoyllurkuna kaqman aywaptïpis tsaychömi kaykanki.
Patsa rurinman tsinkakuptïpis tsaychömi kaykanki.
9Rupay yarqamunan kaqläpa pärir aywaptïpis y lamar tsimpanchö täkuptïpis 10lädüchömi kaykanki.
Maychö kaykaptïpis derëcha kaq makikiwanmi jancharämanki.
11Mayjina tutapayman tsinkakurpis 12qampitaqa manam ni imanö tsinkayta puëdïtsu.
Tutapaypapis junaqpanöllam rikaykanki.
Paqaspis y junaqpis iwalllam qampaqqa.#Jer. 23.23-24; Amós 9.2.
13Qammi llapan cuerpüta mamäpa pachanchö kamamashkanki.
14Mantsakaypaq kamamanqaykipitam alabaq.
Ruranqaykikunam alläpa kushikuypaq.
Tsaynö kanqantam llapan shonqüwan creyï.
15Mamäpa pachanchö manam ni pï rikämashqatsu.
Tullükuna yurinqanta qamllam rikashkanki.
Patsa rurinchönö mana rikakaptinpis qammi kamamashkanki.
16Tsayraq rurakaykaptïmi rikämashkanki.
Juk junaqyuq manaraq kaptïmi ayka wata kawanäpaqpis libruykiman qellqashqana karqayki.
17Dios Yaya, noqapaq yarpanqaykikunaqa alläpa kushikuypaqmi.
Tsay yarpanqaykikunaqa atskam kaykan.
18Yupayta munaptïpis arenïllapita mas atskam.
Puñunqäpita sharkurpis qamwanmi imaypis kaykä.
19Dios Yaya, mana alli runakunata ushakaykatsillay.
Wañutsikuq runakunata puntäpita qarquykullay.
20Paykunam contrayki parlayan.
Shutikitapis llutallam parlayan.
21 Dios Yaya, musyankim chikishuqnikikunata rikaytapis mana munanqäta.
Mana cäsushuqnikikunatam alläpa rabyapä.
22Paykunatam alläpa chikï.
Paykunam noqapapis conträ kayan.
23Dios Yaya, imanö kawakunqäta rikaykallämay.
Shonqü allita o mana allita yarpanqantapis musyaykullay.#Sal. 17.3; 26.2.
24Yarpanqäpis, parlanqäpis o ruranqäpis mana alli kaptinqa tantiyaykatsillämay.
Qamwan imayyaqpis kawakunäpaq yachaykatsillämay.
Currently Selected:
Salmo 139: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
