Salmo 137
137
Salmo 137 (136)
Babiloniachö llakikuyanqan
1Babiloniachö mayukuna kuchunman jamaykurmi Siónpaq yarparkur waqarqantsik.#Eze. 3.15.
2Cantanapaq gänasnintsik mana kaptinmi arpantsikkunata sauciman warkarqantsik.
3Prësu apamaqnintsikkunam cantapänapaq nimarqantsik.
Tsay runakunam kushishqa kanata munayarqan.
Tsaymi nimarqantsik:
<<Siónchö cantayanqaykita cantayämuy>>.
4Juklä nacionchöqa ¿imanötaqshi Dios Yayata alabashwan?
5¡Ay Jerusalén, Jerusalén!
Qamta qonqayaptiqqa derëchu kaq makï jina tsakiskitsun.
6Qamta mana yarpaptiqqa y shutikita mana parlaptïqa qallüpis tsakir palagarnïman laqakätsun.
7Jerusalén markata atacayaptinmi edomita runakuna qayaykachar niyarqan:
<<¡Ushakätsiyay! ¡Ushakätsiyay!
¡Wajinkunatapis cimientunyaq ushakätsiyay!>>
Dios Yaya, tsaynö niyanqanpita juzgaykullay.#Abd. 10-15.
8¡Babilonia marka!
Qamtapis ushakätsiyäshunkim.
Ñakatsiyämanqaykipita ushakätsishuqnikikuna kushishqa kawayätsun.#Jer. 50.29; Apoc. 18.6.
9Wamraykikunata rumikunaman tsapiqkuna kushishqa kawayätsun.
Currently Selected:
Salmo 137: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
