Salmo 115
115
Salmo 115 (113b)
Dios Yayallaman confiakunqan
1 Dios Yaya, manam noqakunatsu alabashqa kayäman.
Qamta pïmaypis alabayäshuy.
Llakipäkuq kanqaykipita y ninqayki rasun kaq kanqanpita alabayäshuy.
2¿Imanirtan runakuna asipäyämar niyäman: <<¿Maychötan Diosniki?>>?
3Diosnintsikqa ciëluchömi kaykan.
Paymi llapan munanqankunata ruran.
4Runakuna adorayanqan ïdulunkunam qoripita y yuraq qellaypita.
Tsaykunatam runakunalla rurayan.
5Shiminkuna kaptinpis manam parlayantsu.
Ñawinkuna kaptinpis manam rikäyantsu.
6Rinrinkuna kaptinpis manam wiyayantsu.
Senqankuna kaptinpis manam muskiyantsu.
7Makinkuna kaptinpis manam yatayantsu.
Chakinkuna kaptinpis manam puriyantsu.
Tsaykunaqa manam ni imata parlayantsu.
8Ïdulukuna poderninnaq kayanqannömi ruraqninkunapis poderninnaq kayan.
Ïdulukunaman confiakuqkunaqa ïdulunkunanöllam kayan.#Sal. 135.15-18; Isa. 44.9-20; Jer. 10.1-16; Apoc. 9.20.
9Israel runakuna, ¡Dios Yayallaman confiakuyay!
Paymi yanapamarnintsik escüdunö imaykapitapis tsapämantsik.
10Aarón casta sacerdötikuna, ¡Dios Yayallaman confiakuyay!
Paymi yanapamarnintsik escüdunö imaykapitapis tsapämantsik.
11 Dios Yayapita mantsakuqkuna, ¡payllaman confiakuyay!
Paymi yanapamarnintsik escüdunö imaykapitapis tsapämantsik.
12 Dios Yayam yarparämantsik.
Paymi Israel runakunaman bendicionninta churamun.
Aarónpita miraqkunamanpis bendicionnintam churamun.
13 Dios Yayam paypita mantsakuqkunaman bendicionninta churamun.#Apoc. 11.18; 19.5.
Rïcukunaman y waktsakunamanmi bendicionninta churamun.
14Tsurintsikkunaman y willkantsikkunamanpis bendicionninta churaykallämutsun.
15Ciëluta y kay patsata kamaq Dios Yaya bendicionninta qamkunaman churaykallämutsun.
16Ciëlum kikin Dios Yayapa.
Kay patsatam kamashqa runakuna täkuyänanpaq.
17Pamparaykaqkunaqa mananam Dios Yayata alabayannatsu.
18Peru noqantsikmi sïqa Dios Yayata imaypis alabashun.
¡Aleluya!
Currently Selected:
Salmo 115: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
