Salmo 116
116
Salmo 116 (114—115)
Dios Yayata agradëcikunqan
1Rugakuptï wiyamanqanpitam Dios Yayata alläpa kuyä.
2Mañakunqäta chaskimaptinmi imaypis payta mañakü.
3Janächönam wañuypis karqan.
Pampayämänanpaqna kanqantam yarparqä.
Yarpachakurmi alläpa llakikurqä.
4 Dios Yayatam rugakur nirqä:
<<¡Dios Yayallä, wañuypita salvaykallämay!>>#Sal. 18.5-6.
5 Dios Yayam alli shonqu y alli ruraq.
Paymi alläpa llakipäkuq.
6Qollmi shonquyuqkunatam Dios Yaya cuidan.
Noqatapis kallpannaq kaykaptïmi yanapamashqa.
7 Dios Yaya yanapamaptinmi kananqa tranquïluna kawakü.
8Wañuypitam salvamashqa.
Waqaptïmi shoqamashqa.
Mana dëjaypam cuidamashqa.
9Kay patsachö kawanqäyaqmi Dios Yayata imaypis cäsushaq.
10Alläpa llakikuychö kaykarpis paymanmi creyikü.
11Mana ni imanakayta puëdirmi nirqä: <<Llapan runakunam llullakuyan>>.
12 Dios Yaya imaykachö yanapamanqanpita manam ni imanö pägayta puëdïtsu.
13 Dios Yaya salvamanqanpitam imaypis agradëcikushaq.
Shutinchömi imaypis alabashaq.
14 Dios Yayata prometinqätam kuyanqan runakuna qorikäyanqanchö cumplishaq.
15 Dios Yayam kushikun serviqnin runakuna wañur puntanman chäyaptin.
16 Dios Yaya, qamtam imaypis servishayki.
Servishuqniki warmipa wawanmi kä.
Janächöna wañuy kaykaptinmi salvamashkanki.
17Tsaymi agradëcikur sacrificiukunata apamushaq.
Shutikichömi alabashayki.
18 Dios Yayata prometinqätam kuyanqan runakuna qorikäyanqanchö
19y Jerusalén chawpinchö Dios Yayapa templunpa patiunchö cumplishaq.
¡Aleluya!
Currently Selected:
Salmo 116: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
