Salmo 114
114
Salmo 114 (113a)
Egiptupita yarqayämunqanta yarpanqan
1Jacobpita miraq Israel runakuna Egiptupita yarqamur nacionninman chäyaptinmi#Éxo. 12.51. 2Dios Yaya täkunan nacionman tikrarqan.
Israel runakunam Dios Yaya mandanqan nacionna karqan.
3Israel runakuna shamuykaqta rikarmi lamarpis ishkayman rakikaskirqan.#Éxo. 14.21; Sal. 66.6; 74.13.
Jordán mayupis aywaykanqanpitam patsallanchö päraskirqan.#Jos. 3.16.
4Jirkakunapis cordërunömi saltaykachäyarqan.
Qaqakunapis ashkashnömi tushuykachäyarqan.
5Lamar, ¿imanirtan ishkayman rakikashkanki?
Jordán mayu, ¿imanirtan aywaykar pärakashkanki?
6Jirkakuna, ¿imanirtan cordërunö saltaykachäyashkanki?
Qaqakuna, ¿imanirtan ashkashnö tushuykachäyashkanki?
7Aw patsa, Jacob creyikunqan Dios Yayapa puntanchö mantsakar tsuktsukyay.
8Paymi qaqapita yakuta pashtatsimurqan.
Rumi kanqanchömi pashtaq yakuta yuritsimurqan.#Éxo. 17.1-7; Núm. 20.2-13.
Currently Selected:
Salmo 114: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
