Salmo 103
103
Salmo 103 (102)
Dios Yayata alabanqan
1a (1a) David qellqanqan salmu.
1 1 (1b) Dios Yayatam llapan shonqüwan alabashaq.
Llapan voluntänïwanmi santu shutinchö agradëcikushaq.
2 Dios Yayatam llapan shonqüwan alabashaq.
Llakipämar yanapamanqanta manam ni imaypis qonqashaqtsu.
3Paymi llapan jutsäpita perdonaman.
Imayka qeshyaywan qeshyaptïpis kutikätsimanmi.
4Wañuypitapis salvamanmi.
Llakipämarmi imaykachöpis yanapaman.
5Alli kaqkunatam alistapäman.
Pitsaknö kallpasapa kanäpaqmi jövinyätsiman.
6Waktsakunata äjayaptinmi Dios Yaya janan shärin.#Sal. 146.7.
7Imanö kawakunapaqmi Moisésta musyatsirqan.
Ruranqankunatam Israel runakunata tantiyatsirqan.
8 Dios Yayam alli shonqu y llakipäkuq.
Kuyakuq karmi sas rabyakuntsu.#Sal. 145.8; Stg. 5.11.
9Manam yapay yapaytsu castigamantsik.
Manam asïpaqtsu rabyapämantsik.
10Manam jutsantsikmannötsu castigamantsik.
11Kay patsapita ciëlu alläpa altu kanqannömi paypita mantsakuqkunapaqqa kuyakuynin jatun kaykan.
12Kay patsapa jukaqlä kuchunpita jukaqlä kuchunyaq jitariqnömi jutsantsiktapis karuman jitarishqa.
13Tsurinta taytan kuyanqannömi paypita mantsakuqkunata kuyan.
14Imanö kanqantsiktam musyan.
Allpallapita kanqantsiktam musyan.
15Runakunaqa qewanö tsakiqllam kayan.
Waytanö shushuqllam kayan.
16Achaq wayra shamurmi jachata ushakätsin.#103.16 Israel nacionchö achaq wayra desiertupita shamurmi imaykatapis tsakiskatsin.
Maychö kanqanpis manam musyakannatsu.
17Peru Dios Yayapa kuyakuyninmi sïqa ni imaypis mana ushakaq.
Paypita mantsakuqkunatam imaypis kuyan.
Paykunapa tsurinkunapaq y willkankunapaqpis allikunallatam ruran.#Isa. 40.6-8.
18Tsaynöllam yanapan ruranqan pactuta cumpliqkunata y mandamientunkunata cäsuqkunata.
19Ciëluchömi Dios Yayapa trönun.
Tsaypitam llapanman mandakaykämun.
20Poderösu angelkuna, Dios Yayata alabayay.
Ninqanta cäsuqkuna kar payta alabayay.
21 Dios Yayata serviq y munanqanta ruraq angelkuna, payta alabayay.
22Llapan kamanqankuna, maytsaychöpis payta alabayay.
Paytam llapan shonqüwan noqapis alabashaq.#Sal. 148.
Currently Selected:
Salmo 103: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
