Salmo 104
104
Salmo 104 (103)
Dios Yaya kamanqankunapita alabanqan
1 Dios Yayatam llapan shonqüwan alabashaq.
Dios Yaya, alläpa poderösum kanki.
Alläpa chipakyaq llatapashqanömi kanki.
2Tëlawannömi chipakyaynikiwan tsapäkunki.
Ciëlutapis jatun säbanastanömi mashtamushkanki.#1Tim. 6.16.
3Ciëluchö kaq yaku jananchömi wajikitapis shäritsishkanki.
Pukutaytam guërra carrëtayki kananpaq tikratsinki.
Wayra jananchömi maypapis aywanki.#2Sam. 22.11-12; Sal. 18.10-11; 68.33.
4Vientupis willakuqnikim.
Lunyar rupaykaq ninapis serviqnikim.#Heb. 1.7.
5Cimientuta rurarmi patsatapis patsätsishkanki.
Patsätsinqaykipitam imaypis kuyuntsu.
6Llatapawannömi lamarwan tsapashkanki.
Altu jirkakunatapis yakuwanmi tsapashkanki.
7Ollqutupaptikim tsaparaq yaku sas aywarqan.
Maqakuynöraq jinchi parlaptikim witikurqan.
8Tsaymi jirkakuna y raqrakunapis yuriyarqan.
Qam ninqaykichömi quëdayarqan.
9Patsaman yaku mana yapay juntänanpaqmi señalta churashkanki.
Tsay señalta churanqaykipitaqa manam päsantsu.#Gén. 1.9; Job 38.8-11; Prov. 8.29; Jer. 5.22.
10Qam mandaptikim jirkakunapita pukyukunapis pashtamur raqrakunapa yaku aywan.
11Tsay yakutam chucaru wätakunapis upyayan.
Chucaru ashnukunapis yakunar tsaytam upyayan.
12Raqrakuna kuchunchömi pishqukunapis qeshunkunata rurayan.
Jachakunapa rämankunachömi cantayan.
13Qammi ciëluchö wajikipita jirkakunata parqumunki.
Tamyawanmi allpatapis ushmütsinki.
14Wätakunapaq qewatapis wiñätsimunki.
Mikuyta qorinanpaqpis runa murunqantam wiñätsimunki.
15Vïnutam alistapanki upyar kushikunanpaq,
aceititam alistapanki qaqllanman llushikur chipakyänanpaq
y mikuytapis alistapanki kallpan kananpaq.
16Líbanuchö cedru jachakunapis qampam.
Yakuchö karmi rämasapa wiñayan.#Sal. 65.9-13.
17Rämankunachömi pishqukunapis qeshunkuna rurayan.
Cigüeñakunapis tsay jachakunachömi täkuyan.
18Jirkakunachömi chucaru cabrakuna kayan.
Qaqakunachömi tejonkunapis tsinkakuyan.
19Killatam junaqkunata yupayänäpaq kamashkanki.
Rupaypis musyanmi imay höra jeqananpaq kanqanta.#Gén. 1.14-18.
20Patsa tardiyaptinmi tutapätsinki.
Tutapaypam chucaru wätakunapis puñunankunapita yarqayämun.
21Leonkunapis mikuyänanpaq wätata ashirmi qayaraykachäyan.
Qamtam mañakuyäshunki wätata taritsinaykipaq.
22Patsa waraskiptinnam puñunankunaman llapan kutiyan.
Junaqpanam machayninkunachö puñuyan.
23Runakunanam aruyninkunapa aruq aywayan.
Tsaychömi höra chämunqanyaq qoyat aruyan.
24 Dios Yaya, imaykatapis qammi kamashkanki.
Llapantam shumaq tantiyar kamashkanki.
Kay munduchö kamanqaykikunam maytsaychö kayan.
25Lamarpis jatun y anchum.
Tsaychömi jatusaqpis y ichishaqpis maytsika wätakuna kayan.
26Lamarpam büquikunapis puriyan.
Lamarchömi jatunkaray mantsaypaq Leviatán wätapis.
Tsay wätatam pukllanaykipaq kamashkanki.#Job 3.8; 41.1; Sal. 74.14; Isa. 27.1.
27Llapan wätakunam shuyaraykäyäshunki höranchö mikuyninkuna qaranaykipaq.
28Alistapaskiptikim mikuyänanpaq qoriyan.
Bendicionnikiwanmi pacha junta mikuyan.
29Manana alistapaptikiqa alläpam turbäyan.
Jamayninta tsapaskiptikim wañur allpaman tikrayan.
30Mirayänanta munaptikim alläpa mirayan.#Gén. 2.7; Job 34.14-15.
Tsaynöpam kay patsaman yapay juntäyan.
31¡Dios Yaya imayyaqpis alabashqa kaykullätsun!
¡Kamanqanta rikar Dios Yaya kushikutsun!
32Pay rikaskiptinmi patsapis mantsakar tsuktsukyan.
Yataykuptinmi jirkakunapis qoshnïyan.
33Kawanqäyaqmi salmukunata cantar Dios Yayata alabashaq.#Sal. 146.2.
34Yarpaynïpis Dios Yaya munanqannö kaykullätsun.
Paypa poderninchö karmi imaypis kushikü.
35Jutsa ruraqkuna kay patsachö ushakäyätsun.
Llapan mana alli ruraq runakuna illakäyätsun.
Llapan shonqüwanmi Dios Yayata alabashaq.
¡Aleluya!
Currently Selected:
Salmo 104: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
