Proverbios 26
26
1Usya tiempuchö rashta y cosëcha tiempuchö tamya mana alli kanqannömi upa runata aläbayanqanpis allitsu.
2Oqrakashqa pichuychanka y oqrakashqa wayanïtu qeshunman mana chanqannömi jutsannaq runamanpis maldicionäyanqan chanqatsu.
3Bestiatam bozalwan mansantsik.
Ashnutam astarraq manshuyätsintsik.
Mana tantiyakuq runatam garutirraq corrigintsik.
4Mana tantiyakuqwan shimi shimi ama piñanakuytsu.
Piñanakurqa paynö mana tantiyakuqmi kanki.
5Allish tukur aläbakuq runata mana allish tukunanpaq sitiunman churay.
6Mana confiakuypaq runata ima encargutapis encargarmi imayka chakikita pakiqnö kaykanki.
Tsaynö runatam rabyakunaykillapaq imatapis encarganki.
7Chankan pakishqa runa puriyta mana puëdinqannömi mana tantiyakuq runapis shumaq yätsikuyta puëdintsu.
8Warakaman rumita watarkur upa warakaqnömi mana tantiyakuq runata aläbayanqan.
9Machashqa runa kashawan runa majinta wirunqannömi mana tantiyakuq runa yätsinqanpis.
10Pïmayta llutalla flëchaptin mana alli kanqannömi mana tantiyakuq runata contratanqanpis mana alli.
11Allquqa lanzanqantam yapay mikun.
Tsaynöllam mana yachayyuq runapis jutsa rurayman yapay ishkin.#2Ped. 2.22.
12Aläbakuq runaqa mana yachayyuq runapitapis peormi kaykan.#Prov. 29.20.
13Qela runam aruyta mantsar nin:
<<Nänichömi león mikumanqa>>.#Prov. 22.13.
14Burunllanchö punku tumanqannömi qela runapis puñunallanchö tumar tikrar jitaräkun.
15Qela runaqa plätun churapukushqa kaykarpis cucharallatapis manam shiminman apantsu.#Prov. 19.24.
16Qela runam qanchis yätsikuq runakunapitapis mas yachayyuq kanqanta yarpan.
17Piñanakuqkunaman mëtikurqa kanikuq allqupa rinrinta sutaqnömi kaykan.
18Löcu llutalla pitapis flëchaqnömi 19amïgunta llullatsir sumbapaqkuna kayan.
20Yanta mana kaptinmi nina wañun.
Tsaynöllam willapäkuqkuna mana kayaptinqa piñanakuypis kantsu.
21Carbón kaptinraqmi shanshapis rawran.
Yanta kaptinraqmi ninapis rupan.
Manakaqkunata willapäkuq kaptinraqmi piñanakuypis kan.
22Runapa vïdanta parlanqanqa mishkinöraqmi runata gustan.
Tsaymi wiyaqkunapa shonqunyaq chan.#Prov. 18.8.
23Mitu mankata yuraq qellaywan enchapaptinpis rurinpaqa kanqannöllam kaykan.
Tsaynöllam mana alli ruraq runapis alli shimillanpa parlarpis shonqunchöqa mana allita yarpaykan.
24Runa majinta chikiq runam allitupar parlaparpis shonqunchöqa rabyapaykan.
25Alli shimillanpa parlapäshuptikipis ama confiakuytsu.
Shonqunchöqa contrayki shärinanpaqmi yarpaykan.
26Allitupäshuptikipis llapanmi musyayan rabyapäshunqaykita.
27Juk jeqananpaq uchkuta uchkurpis kikillanmi tsayman jeqanqa.
Jukta qopinanpaq rumita churaptinpis kikintam qopinqa.
28Llullakuq runaqa rasun kaqta parlaqkunatam chikin.
Llutalla waqyaq runam pïmaytapis rabyatsin.
Currently Selected:
Proverbios 26: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
