Jonás 1
1
Jonás qeshpir aywakunqan
1Amitaipa tsurin Jonástam#2Rey. 14.25. Dios Yaya nirqan: 2<<Nínive markachö täkuq runakunapa jutsankuna alläpanam kaykan. Tsay jatun markaman aywar paykunata ushakätsinäpaq kanqanta willakuy>>.#Nah. 1.1; 3.1-19.
3Tsaynö niptinmi Jonásqa qeshpir Jope markaman aywarqan. Tsaychömi Tarsis markaman büqui yarquykaqtana tarirqan. Tsaymi Dios Yayapita qeshpiyta yarpar pasäjita sas rantiskir tsay büquiwan Tarsisman aywarqan.
4Peru tsay büquiwan aywaykaptinmi Dios Yaya alläpa wayrätsimurqan. Tsaymi yaku altupa laqchikaptin büquipis pakinaykarqanna. 5Tsaymi büqui manijaqkuna alläpa mantsakar cada ünu diosninkunata mañakuyarqan. Tsaypitam büqui mana jundikänanpaq apayanqan cargakunata lamarman jitariyarqan.
Tsayyaqnam büquipa qopi kaq cuartunchö Jonás alläpa puñukashqa kaykarqan. 6Tsaymi büqui manijaqkunapa mandaqnin rikchatsir nirqan: <<¡Puñuy siki! ¡Imanirtan kushishqa puñuykanki! Sas shärir diosnikita mañakuy. Talvezqach salvamäshun kaychö mana ushakänapaq>>.
7Tsaypitanam büqui manijaqkuna ninakuyarqan: <<Kaynö ñakanqantsikta musyanapaq pï jutsayuq kanqantapis sortiyashun>>.
Tsaynö sortiyayaptinmi Jonáspaq suerti shikwarqan.
8Tsaymi Jonásta tapuyarqan: <<Willayämay. ¿Imatatan rurakashkanki kayläya ñakanapaq? ¿Imachötan arunki? ¿Maypitatan shamushkanki? ¿May runatan kanki? ¿Mayqan castatan kanki?>>
9Jonásnam nirqan: <<Hebreo castam kä. Ciëluchö kaykaq Dios Yayapita mantsakurmi payta servï. Paymi lamartawan kay patsatapis kamashqa>>.
10Tsaynam büquichö aruqkuna alläpa mantsakar niyarqan: <<¡Imanirtan Dios Yayata cäsushkankitsu!>>
Tsaynö niyarqan Dios Yayapita qeshpir aywaykanqanta willashqana kaptinmi. 11Cada vez mas yaku laqchikaptinmi niyarqan: <<Kanan ¿imatatan rurashun yaku pärananpaq?>>
12Jonásnam nirqan: <<Yaku laqchikaq pärananpaq lamarman jitarpayämay. Kaynö lamar laqchikänanpaq noqam jutsayuq kä>>.
13Tsaynö niptinmi büqui manijaqkuna lamar kuchunman büquita imaykanöpa wititsiyta munayarqan. Peru alläpa wayraptinmi wititsiyta munarpis puëdiyarqantsu.
14Tsaymi Dios Yayata mañakur niyarqan: <<Taytay, qam munaptikim llapan kaykuna päsaykan. Ama ushakaykatsiyällämaytsu kay runapa jutsanpita. Lamarman jitarpuyaptïpis jutsannaq kaptinqa ama culpatsaykayämaytsu>>.
15Tsaynö mañakuskir Jonásta lamarman jitarpuyaptinmi yaku laqchikaykar päraskirqan.
16Tsaynö päraskiptinmi Dios Yaya poderösu kanqanta tantiyaskir büqui manijaqkuna alläpa mantsakäyarqan. Tsaymi sacrificiuta waykar payta serviyänanpaq prometiyarqan.
17 17 (2.1) Jonásta millpunanpaqmi jatunkaray pescäduta Dios Yaya shuyaykätsinaq. Millpuskiptinmi pescädupa pachanchö kimsa paqas kimsa junaq karqan.#Mat. 12.40.
Currently Selected:
Jonás 1: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
