Jonás 2
2
Dios Yayata Jonás mañakunqan
1 1 (2) Pescädupa pachanchö kaykarmi Dios Yayata Jonás mañakur nirqan:
2 2 (3) <<Dios Yayallä, alläpa llakikur mañakamuptïmi wiyamashkanki.#2Sam. 22.7; Sal. 18.6; 120.1.
Wañunäpaqna kaykar qayakamuptïmi salvamashkanki.
3 3 (4) Lamarman jitarpamaptikim alläpa ruriyaq tallpukarqä.
Mantsakaypaq lamar yaku laqchikaqpis janäpam päsarqan.#Sal. 42.7; 88.3-7.
4 4 (5) Puntaykipita qarqamashqana kanqaykitam yarparqä.#Sal. 31.22.
Tsaynöllam yarparqä sagrädu templuykiman manana yaykunäpaq kanqanta.
5 5 (6) Maytsika yaku tsapaskamaptinmi lamarpis pituskamarqan.
Lamar rurinchö wiñämuq qewakunapis umämanmi awrikarqan.
6 6 (7) Alläpa ruriyaqmi tallpukarqä.#Sal. 69.2.
Mananam yarqamunäpaq kaqtaqa yarparqänatsu.
Dios Yayallä, wañunäpaqna kaykaptïmi salvamashkanki.#Sal. 30.3.
7 7 (8) Dios Yayallä, wañunaykarnam qamman mañakamurqä.
Mañakamunqätam santu templuykipita wiyamashkanki.
8 8 (9) Ïdulukunata adoraqkunaqa Diospa kuyakuyninta wasqiyanmi.
9 9 (10) Peru noqam sïqa llapan shonqüwan agradëcikur sacrificiukunata qampaq waykashaq.
Qamta llapan prometinqaqkunatam cumplishaq.#Sal. 22.25.
Qamllam poderösu kaynikiwan pitapis salvanki>>.
10 10 (11) Tsaymi Dios Yaya mandaptin Jonásta lamar kuchunman pescädu lanzaskamurqan.
Currently Selected:
Jonás 2: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
