Isaías 9
9
Rey yurinanpaq ninqan
1 1 (8.23) Ñakaqkunapaq patsa tutapashqanö kaptinpis manam tsaynöllatsu imayyaqpis kanqa. Zabulón trïbu y Neftalí trïbu runakunata penqakuyman Dios Yaya churashqa kaptinpis#9.1 Tsaychö täkuq runakunatam Dios Yaya penqakuyman churarqan Asiria runakuna atacar venciyaptin (2Rey. 15.29). shamuq watakunachömi paykunapaq kushikuy kanqa.
Paykuna täkuyanqan partim Galilea parti. Tsaypam päsan lamar kuchunpa aywaq näni y Jordán mayupis. Tsaychömi mana Israel runakunapis täkuyan.#Mat. 4.15.
2 2 (1) Tutapäpukushqanö kawarpis atsikyayta rikaqnömi salvacionninta rikäyanqa.
Tutapaychönö kawayaptinpis salvacionninqa aktsinömi kanqa.#Mat. 4.16; Luc. 1.79.
3 3 (2) Kuyanqayki runakunatam yanapashkanki.
Kushikuytam shonqunkunaman churashkanki.
Cosëcha witsay kushikuqnömi läduykikunachö kushikuyanqa.
Riquëzata rakipunakur kushikuqnömi kushikuyanqa.
4 4 (3) Contrankunata ushakätsirmi paykunapa poderninpita salvanki.
Unay ayllunkunata madianita runakunapa poderninpita jipimunqaykinömi yapay salvanki.#Jue. 7.15-25.
5 5 (4) Guërra manana kaptinmi soldädukuna shukuräyanqan bötaskunatapis waykayanqa.
Guërrachö pelyayanqan yawarllana llatapankunatam waykayanqa.
6 6 (5) Dios Yaya tsaynö salvamäshun juk wamra yuriptinmi.
Paymi yurinqa wiñarkur mandamaqnintsik kananpaq.
Paypa shutinmi kanqa Mantsakaypaq Tantiyatsimaqnintsik,
Contrankunata Venciq Dios,
Imayyaqpis kawaq Taytantsik
y Alli Kawayta Qaramaqnintsik.
7 7 (6) Rey David jamanqan trönuman jamaykurmi imayyaqpis mandamäshun.
Poderninchö kawakurmi imaypis allilla kawakushun.
Dios Yaya munanqannölla mandakurmi imaypis alli kaqllata ruranqa.#Luc. 1.32-33.
Llapanta mandaq Dios Yayam kuyamarnintsik permïtinqa tsaynö kananpaq.
Israel nacionta Dios Yaya castigananpaq ninqan
8 8 (7) Jacobpita miraq Israel runakunata castigananpaqmi Dios Yaya willakatsishqa.
Willakatsinqannöllam castiganqa.
9 9 (8) Tsaytam Samaria markachö täkuqkuna y Efraín runakuna#9.9 Efraín runakunapaq parlarqa norti kaqlä Israel nación runakunapaqmi parlaykan. Tsay nacionpa capitalninmi Samaria marka karqan. llapan tantiyayanqa.
Paykunam allish chölu tukur niyan:
10 10 (9) <<Ladrilluwan shäritsinqantsik wajintsikta juchutsiyaptinpis llaqllashqa rumikunawannam yapay shäritsishun.
Sicómoro jachata walluyaptinpis cedru jachatam plantashun>>.
11 11 (10) Tsaynö nikäyaptinmi rey Rezínta#Isa. 7.1. atacayänanpaq contran runakunata Dios Yaya kachamunqa.
12 12 (11) Rupay yarqamunanpitam Siria runakunata kachamunqa.
Rupay jeqanan kaqläpitam filisteo runakunatapis kachamunqa.
Paykunam Israel runakunata juk amuy mikuskiqnölla ushakätsiyanqa.
Dios Yaya tsaynö castigarpis rabyashqallam kanqa.
Yapay castigananpaqpis listum kaykan.
13 13 (12) Peru tsaynö castigaptinpis runakuna manam tantiyakuyanqatsu.
Llapanta mandaq Dios Yayaman manam confiakuyanqatsu.
14 14 (13) Tsaymi Dios Yaya juk junaqllachö Israel nacionpa umantawan chupanta roqunqa.
Palmatapis wallunqa y utututapis llupinqa.#9.14 Umatam iwalatsin Israel nacionpa autoridäninkunaman y chupatanam iwalatsin llulla profëtakunaman. Palmatam iwalatsin rïcu runakunaman. Utututanam iwalatsin waktsa runakunaman.
15 15 (14) Israel nacionpa umanmi mayor runakunawan mandakuqkuna kayan.
Chupannam llulla profëtakuna kayan.
16 16 (15) Israelchö mandakuqkuna engañakuq kayaptinmi oqrakashqanö runakuna kayan.
17 17 (16) Llapan runakunam mana creyiypaq, mana allita ruraqlla y manakaqkunata parlaqlla kayan.
Tsaymi jövinkunata, waktsayäkushqakunata y viüdakunatapis mana llakipaypa Dios Yaya castiganqa.
Paykunata tsaynö castigarpis rabyashqallam kanqa.
Yapay castigananpaqpis listum kaykan.
18 18 (17) Runakunapa mana alli rurayninkunam muntikunata lunyaypa lunyar rupaq ninanö kaykan.
Muntita rupaptin qoshni shäriqnömi kaykan.
19 19 (18) Tsaymi llapanta mandaq Dios Yaya rabyar castiganqan entëru nacionchö rupaq ninanö kanqa.
Oqshata nina rupaqnömi runakunata ushakätsinqa.
Tsay witsayqa manam ni pipis runa majinta llakipanqatsu.
20 20 (19) Derëchan kaqchö tariyanqanta mikurpis mallaqaykäyanqallam.
Itsuq kaqchö tariyanqanta mikurpis manam pachankuna juntanqatsu.
Wamrankunatapis mana llakiparmi mikuyanqa.
21 21 (20) Manasés runakunawan Efraín runakunam maqanakuyanqa.
Ishkan nación tallukaskirmi Judá runakunawanpis guërrata rurayanqa.
Dios Yaya paykunata castigar permïtiptinmi tsaynö pelyayanqa.
Tsaynö castigarpis rabyashqallam kanqa.
Yapay castigananpaqpis listum kaykan.
Currently Selected:
Isaías 9: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
