Popular Bible Verses from Isaías 9

Share

6 (5) Dios Yaya tsaynö salvamäshun juk wamra yuriptinmi. Paymi yurinqa wiñarkur mandamaqnintsik kananpaq. Paypa shutinmi kanqa Mantsakaypaq Tantiyatsimaqnintsik, Contrankunata Venciq Dios, Imayyaqpis kawaq Taytantsik y Alli Kawayta Qaramaqnintsik.

2 (1) Tutapäpukushqanö kawarpis atsikyayta rikaqnömi salvacionninta rikäyanqa. Tutapaychönö kawayaptinpis salvacionninqa aktsinömi kanqa.

7 (6) Rey David jamanqan trönuman jamaykurmi imayyaqpis mandamäshun. Poderninchö kawakurmi imaypis allilla kawakushun. Dios Yaya munanqannölla mandakurmi imaypis alli kaqllata ruranqa. Llapanta mandaq DIOS YAYAM kuyamarnintsik permïtinqa tsaynö kananpaq.

5 (4) Guërra manana kaptinmi soldädukuna shukuräyanqan bötaskunatapis waykayanqa. Guërrachö pelyayanqan yawarllana llatapankunatam waykayanqa.

1 (8.23) Ñakaqkunapaq patsa tutapashqanö kaptinpis manam tsaynöllatsu imayyaqpis kanqa. Zabulón trïbu y Neftalí trïbu runakunata penqakuyman Dios Yaya churashqa kaptinpis shamuq watakunachömi paykunapaq kushikuy kanqa. Paykuna täkuyanqan partim Galilea parti. Tsaypam päsan lamar kuchunpa aywaq näni y Jordán mayupis. Tsaychömi mana Israel runakunapis täkuyan.

3 (2) Kuyanqayki runakunatam yanapashkanki. Kushikuytam shonqunkunaman churashkanki. Cosëcha witsay kushikuqnömi läduykikunachö kushikuyanqa. Riquëzata rakipunakur kushikuqnömi kushikuyanqa.

4 (3) Contrankunata ushakätsirmi paykunapa poderninpita salvanki. Unay ayllunkunata madianita runakunapa poderninpita jipimunqaykinömi yapay salvanki.