Isaías 48
48
Israel runakuna mana cäsukuq kayanqan
1Jacobpita miraq Israel runakuna, niyanqaqta wiyayämay.
Qamkunam Dios Yayapa shutinchö imatapis prometiyanki.
Tsaynöllam kuyayäshuqniki Diosta <<serviyämi>> nikäyanki.
Tsaynö nirpis janan shonqullam paypa shutinta parlaykäyanki.
2Qamkunam nikäyanki sagrädu Jerusalénchö täkuyanqaykipita kushikuyanqaykita.
Tsaynöllam nikäyanki kuyayäshuqniki Dios Yayaman confiakuyanqaykita.
Paypa shutinmi llapanta mandaq Yahweh.
3Dios Yayam nin:
<<Imapis manaraq päsaptinmi päsananpaq kaqkunata willakatsirqä.
Willakatsinqänöllam llapan imaykapis illaqpita cumplishqa.
4Musyämi rumi shonqu kayanqaykita, kunkaykikunapis fiërrunö chukru kanqanta y urkuykikunapis broncinö chukru kanqanta.
5Tsaynö kayaptikim ima päsananpaq kaqkunatapis unayna willakatsirqä.
Willakatsinqänö päsaptinmi musyayanki takarnin y fundirnin ruratsiyanqayki ïdulukuna ima päsananpaq kaqtapis mana musyayanqanta.
6Willakatsinqänö päsanqanta wiyaykar y rikaykarqa ¿imanirtan tantiyayankitsu rasunpa kaqta nikanqäta?
<<Kananmi masta musyatsiyäshayki.
Tsayqa mana musyayanqayki kaqkunam.
7Tsaytaqa manam ni imaypis yarpäyashkankitsu ni wiyayashkankitsu.
Tsaymi <tsaytaqa unaynam musyashkä> niyankitsu.
8Tsaytaqa manam imaypis wiyayashkankiraqtsu.
Kananyaqqa manaraqmi musyayashkankiraqtsu.
<<Qamkunaqa yuriyanqaykipitam mana cäsukuq kayashkanki.
Mana wiyakur ashnu rinri karmi ïdulukunata adorar imaypis cäsuyämashkankitsu.
9Tsaynö kayaptikipis adorayämänayki raykum rabyarpis awantakushkä.
Alabayämänayki kaptinmi pacienciakur ushakätsiyashkaqtsu.
10<<Mana ushakätsirmi qamkunata sufritsiyashkaq.
Jornuchö tsullutsir yuraq qellaypa taqranta jipiqnömi jutsaykikunapita mayllayashkaq.
11Juk dioskunata adorayanqaykipa rantin adorayämänaykipaqmi perdonayashkaq.
Manam munätsu juk dioskunata adorar manakaqman churayämänaykita>>.#Isa. 42.8.
Kuyanqan runankunata salvananpaq Dios Yaya ninqan
12<<Jacobpita miraq runakuna, wiyayämay.
Qayanqä Israel runakuna, wiyayämay.
Noqa japallämi Dios kä.
Unaypita imayyaqpis Diosmi kä.#Isa. 41.4; 44.6; Apoc. 1.17; 22.13.
13Makïwanmi kay patsata kamashkä.
Derëcha kaq maki paltäwanmi ciëlutapis mïdishkä.
Shutinpa qayaptillämi llapanpis yurishqa.
14<<Llapayki qorikaykur shumaq wiyayämay.
Persia nacionpa mandakuqnin rey Cirutam akrashkä munanqäta rurananpaq.
Paymi yarpanqänö Babilonia nación runakunata ushakätsinqa.
Tsaytam ni mayqan ïdulupis musyashqatsu ni willakushqatsu.
15<<Noqam Ciruta qayaykur mandashkä.
Tsaymi llapanta rurananpaq yanapashaq.
16Tsay niyanqaqta wiyayänaykipaq llapayki witiyämuy.
Tsaynö päsananpaqmi unaypitana willayashkaq.
Rikaraykaptïmi llapan imaykapis ninqänölla kanqa>>.
Dios Yaya tsaynö ninqanta willakunäpaqmi Espïritunta noqaman kachamushqa.
17Salvayäshuqniki kar Israel runakunapa santu Diosninmi niyäshunki:
<<Noqam Diosnikikuna kä.
Noqam alli kaqkunata yachatsir munanqänö kawakuyänanpaq alli nänipa pushä.
18Mandamientükunata cäsurqa imaypis kushishqam kawakuyankiman karqan.
Alli kawakuyanqaykim imaypis mana tsakiq mayunö kanman karqan.
Lamar laqchikar qatinakuqnömi imaypis allillata rurayankiman karqan.
19Lamar kuchunchö arenïllanöraq yupaytapis mana puëdiypaqmi qampita miraqkuna kanman karqan.#Gén. 22.17.
Manam imaypis qamkunata ushakätsiyaqmantsu karqan.
Puntäpitapis manam qarquyaqmantsu karqan>>.
20¡Babiloniapita qeshpir aywakuyay!#Jer. 50.8; 51.6, 45; Apoc. 18.4.
¡Salvakäyanqaykita maytsaychöpis kushishqa willakuyay!
Willakur niyay:
<<¡Serviqnin Jacobpita miraqkunatam Dios Yaya salvashqa!
21Tsunyapa pushamuptinpis manam yakunäyarqantsu.
Mana yakunäyänanpaqmi qaqapita maytsika yakuta pashtatsimurqan>>.#Éxo. 17.1-7.
22Peru Dios Yayam nin:
<<Mana alli runakunaqa manam ni imaypis kushishqa kawayanqatsu>>.#Isa. 57.21.
Currently Selected:
Isaías 48: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
