Isaías 47
47
Babilonia ushakänanpaq ninqan
1Dios Yayam nin:
<<Babilonia nación, trönuchö jamaykanqaykipita shärir patsamanna jamay.#Isa. 13.1—14.23; Jer. 50.1—51.64.
Mananam ni imaypis <kuyakuypaqmi> niyäshunkinatsu.
2Servikuq warminölla maraychö machkata aqakuy.
Shukutaraykanqayki jakuykita jipiy.
Chankayki rikakanqanyaq llullipaykita qarikurkur mayukunata päsay.
3Mama wachay kaptikim penqaynikita pïmay rikanqa.
Mana allita ruranqaykipita castigaptiqmi ni pipis salvashunkitsu>>.
4Tsaynömi nin Israel runakunapa santu Diosnin.
Paymi salvamaqnintsik.
Paypa shutinmi llapanta mandaq Yahweh.
5<<Babilonia nación, tutapayman yaykuskir upällalla jamakuy.
Mananam ni pipis <nacionkunapa mandakuqnin reina> nishunkinatsu.
6<<Kuyanqä Israel runakuna alläpa rabyatsiyämaptinmi podernikiman dëjashkä.
Castiganaykipaq permïtiptïmi alläpa sufritsishkanki.
Awkinkunatapis lasaq yüguta matankätsiqnömi mana llakipaypa sufritsishkanki.
7Imayyaqpis reinalla kayta yarparmi mana allikunata ruranqaykitapis tantiyashkankitsu.
Ushakänaykipaq kaqtaqa manam imaypis yarpashkankitsu.
8<<Babilonia marka, shumaq wiyamay.
Trönunchö mana yarpachakur jamaq warminö karmi shonqullaykichö nikanki:
<Manam ni pipis noqanöqa kantsu.
Manam ni imay viüdayäshaqtsu ni wawannaq kashaqtsu>.
9Tsaynö nikarmi illaqpita viüdayar wawannaq tikranki.#Apoc. 18.7-8.
Tsay junaqqa manam brüjuykikuna ni majiquëruykikunapis tsapäyäshunkitsu.
10<<Mana allikunata rurarmi pipis mana rikäshunqaykita yarpashkanki.
Yachayyuq kanqaykita yarparmi mana allikunata rurashkanki.
Shonqullaykichömi yarparqayki pipis qamnö mana kanqanta.
11Tsaynö nikaqtam illaqpita desgracia päsashunki.
Tsaymi ni imanöpa salvakuyta puëdinkitsu.
Tsay desgracia shamuptinmi jankat ushakanki.
12<<Unaypitana brüju kayta yachakunqaykita sïguirllaqa mä ima desgraciallapitapis tsapäkunkikush.
Brüju kayta sïguir mä pillataqa mantsakätsinkikush.
13Yätsishuqnikikuna yätsiyäshunqaykitam ajayashkankina.
Cada killa imanö kayänaykipaq kaqta willayäshunaykipaq qoyllur estudiaqkunapis manam kayannatsu.
Kanan mä salvayäshunaykipaq shayämutsun.
14<<Qammi yarpanki tsay runakuna mashakuyänaykipaq shanshanö kayanqanta.
Tsaynö yarpaptikipis manam tsaynötsu kanqa, sinöqa nina ushananpaq oqshanöllam kayan.
Tsaymi Dios Yayapa castïgunpita ni imanöpa salvakuyta puëdiyanqatsu.
15Wamra kanqaykipitana qatitsikunqayki brüjuykikunam ushakäyanqa.
Kawaq kaqkuna qeshpir aywakuyaptinmi ni pipis salvashunaykipaq kayanqanatsu>>.
Currently Selected:
Isaías 47: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
