Hebreos 13

Dios Yaya munanqannö kawanapaq ninqan

1Juk castanölla imaypis kuyanakur kawakuyay. 2Tsaynölla wajikiman patsakuq pï chämuptinpis kushishqa patsatsiyanki. Tsaynö patsatsiyanqanchömi wakin runakuna mana musyar angelkunatapis patsatsiyarqan.#Gén. 18.1-8; 19.1-3; Rom. 12.13; 1Ped. 4.9.

3Kikikikuna carcelchö qaykuraykaqnö carcelchö kaykaqkunata yarpäyanki. Kikikikuna sufriyanqaykinö sufriqkunatapis yanapayanki.#Mat. 25.35-46.

4Llapayki casädu kaqkuna majaykiwan kuyanakur alli kawakuyay. Ama adulteriu jutsata rurayaytsu. Fornicación jutsata y adulteriu jutsata ruraqkunataqa Dios Yayam juzganqa.

5Tsaynölla ama qellayllapaq ayrajashqa kayaytsu. Tsaypa rantin imaykikunapis kanqanllawan contentakuyay.#1Tim. 6.6-10. Dios Yayam nin: <<Manam ni imaypis dëjayäshaykitsu ni qonqayäshaykitsu>>.#Deut. 31.6, 8; Jos. 1.5; Fil. 4.11-13.

6Tsaynö nikämashqaqa payman confiakur kushishqa nishun:

<<Dios Yaya yanapamaptinmi imapitapis mantsakütsu.

Conträ shäriyaptinpis manam llakikütsu>>.#Sal. 118.6.

7Dios Yayapa palabranta yachatsishuqnikikunata yarpäyay. Dios Yayata servir allikunata rurayanqanta tantiyar paykuna creyikuyanqannö qamkunapis Dios Yayaman confiakuyay.

8Jesucristuqa unaypis, kananpis y imayyaqpis kanqannöllam kaykan.#Heb. 1.12. 9Llutan yachatsikuqkuna yachatsikuyanqanta ama chaskiyaytsu. Manam paykuna niyanqannötsu reqishqa mikuykunallata mikur Dios Yaya munanqannö kawantsik, sinöqa Dios Yaya yanapamashqam.

10Noqantsikpa altarnintsikqa manam Sagrädu Carpachö altarnötsu. Altarnintsikpita mikushqapis Sagrädu Carpachö Dios Yayata serviq sacerdötikunaqa manam tsaypita mikuyänanpaq derëchunkuna kantsu.#13.10 Altarnintsikpaq parlarmi Jesucristo noqantsik rayku wañur altarchö waykanqan sacrificiunö kanqanta nin. Altarnintsikpita mikunqantsikta nirmi salvacionta chaskinqantsikta nin. Sagrädu Carpachö Dios Yayata serviq sacerdötikunapaq parlarmi unay kaq pactuta cumpliq runakunapaq nin. Tsay runakuna manam Jesucristuta chaskikuyantsu, sinöqa sacrificiukunatam waykayan, reqishqa mikuykunallatam mikuyan y cuerpunkunachömi señalakuyan. Altarnintsikpita mikuyänanpaq derëchun mana kanqanta nirmi perdonta mana tariyanqanta nin.

11Unay kaq pactuchöqa runakuna jutsata rurayanqanpitam mandakuq sacerdötikuna wätakunapa yawarninta Lugar Santïsimuman apayaq. Tsay wätakunapa aytsantanam campamentupita jipiskir waykayaq.#Lev. 16.27. 12Tsaynöllam Jesucristutapis markapita jipiskir wañutsiyarqan. Yawarninta jichar wañunqanpitam jutsantsikkunata Dios Yaya perdonamantsik. 13Jesucristo tsaynö ñakaykaptinqa noqantsikpis campamentupita yarqushun.#13.13 Campamentupita yarqunapaq nirqa unay kaq pactuta dëjanapaqmi nin. Payta ñakatsiyanqannö ñakatsimashqapis o payta musyapäyanqannö musyapämashqapis payman imaypis creyikur kawakushun. 14Noqantsikpa markantsikqa manam kay patsachötsu. Tsaypa rantinmi kay patsachö qorpanölla kar mana ushakaq markata shuyaykantsik.

15Tsaynö kaykaptinqa Jesucristuman creyikur sacrificiuta altarman churaqnö Dios Yayata imay hörapis alabashun. Paypa shutinchö alabanqantsikmi alli kaykan.#Sal. 50.14, 23. 16Tsaynölla mana qonqar allikunallata rurayanki. Juknin jukninwan imallawanpis yanapanakuyanki. Tsaynö kawakurmi Dios Yaya munanqan sacrificiukunata payman apaqnö kantsik.

17 Mayor wawqikunata cäsuyay. Paykunam shumaq rikäyäshunaykipaq waran waran yarpachakuyan. Tsaynöllam alli o mana alli rikäyäshunqaykipita Dios Yayata cuentata qoyanqa. Tsaynö kaykaptinqa ama llakikatsiyaytsu, sinöqa kushi kushilla cuidayäshunaykipaq yachatsiyäshunqaykita cäsukuyay. Llakikatsiyaptikiqa manam qamkunapaqpis allitsu kanqa.

18Noqakunapaqpis Dios Yayata mañakuyay. Musyayämi llutanta mana rurayanqäta. Dios Yaya munanqallantam imaypis rurayta munayä. 19Tsaynölla qamkunaman yapay kutiyämunäpaq payta mañakuyay.

Cartapa ushanan

20Dios Yayatam qamkunapaq mañakü. Paymi alli kawakunapaq yanapamantsik. Señor Jesucristutam kawatsimushqa. Üshankunatapis shumaqmi mitsin. Yawarninta jicharmi imaypis mana ushakaq pactuta noqantsikwan rurashqa.#Éxo. 24.8; Heb. 10.29. 21Jesucristupa shutinchömi imaypis yanapaykuyäshunaykipaq payta mañakuyä. Munanqanta rurayänaykipaq alli kaqkunata alistapaykuyälläshuy. Payqa imayyaqpis alabashqa kaykullätsun. [Amén.]

22Wawqikuna y panikuna, wallkallatapis kay cartachö qellqamunqäta chaskikuyay. 23Wawqintsik Timoteupis carcelpita yarqamushqanam. Qamkunaman manaraq shamuptï noqa kaqman chämuptinqa ishkäkunam shayämushaq.

24 Mayor wawqikunata y wakin wawqikunata y panikunatapis saludaykuyällay. Tsaynöllam Italia nacionpita wawqikuna y panikunapis saludayämushunki.

25Dios Yaya llakipäyäshurniki yanapaykuyälläshuy. [Amén.]

Currently Selected:

Hebreos 13: qxn

Highlight

Copy

Compare