Efesios 5

Dios Yayapa wamrankuna imanö kawayänanpaq ninqan

1Dios Yayapa kuyay wamrankuna kaykarqa pay jutsannaq kanqannölla qamkunapis jutsannaq kawakuyay. 2Jesucristo kuyakuq kanqannö qamkunapis kuyakuq kayay. Kuyakuq karmi noqantsik rayku wañur Dios Yayapaq mushkuq sacrificiunö kashqa.#Éxo. 29.18.

3Dios Yaya kuyanqan santu runakuna kaykarqa fornicación jutsata ama rurayaytsu, ayrajashqa ama kayatsu, ni ima jutsatapis ama rurayaytsu. Tsaykunapaqqa parlayllapis ama parlayaytsu. 4Mana allikunata, manakaqkunata ni llutan yarpayman apakuq brömakunatapis parlayaytsu. Tsaypa rantin Dios Yayata imaykapitapis agradëcikuyay.

5Shumaq tantiyakuyay: fornicación jutsata ruraqkuna y ayrajashqa kaqkunaqa manam Dios Yayapa y Jesucristupa mandakuyninman yaykuyanqatsu. (Ayrajashqa kaqkunam ïduluta adoraqnö kayan.) 6Mana cäsukur jutsa ruraqkunatam Dios Yaya rabyar castiganqa. Tsaynö kaykaptinqa jutsata rurayänaykipaq pï animatsiyäshuptikipis ama cäsuyankitsu. 7Wakin kaq runakuna jutsata rurayaptinpis qamkunaqa ama rurayankitsu.

8Unayqa qamkunapis jutsata rurarmi tutapaychönö kawayarqayki. Peru kananmi sïqa Jesucristuta chaskir aktsichönöna kaykäyanki. Tsaynö kaykarqa Dios Yaya munanqannöna waran waran kawakuyay. 9Aktsichöna kawakurmi#5.9 Wakin griego copiakunachömi aktsichöna kawakur ninanpa rantin Espíritu munanqannö kawakur nin. llakipäkuq kayanki, allillatana rurayanki y rasun kaqllatana parlayanki. 10Dios Yaya munanqannö kawayänaykipaq imaypis yarpachakuyay.

11Dios Yayata mana cäsuqkuna mana allikunata rurayaptinpis qamkunaqa ama rurayaytsu. Tsaypa rantin mana alli ruraykunata dëjayänanpaq tantiyatsiyanki. 12Paykuna pakayllapa jutsa rurayanqanmi alläpa penqakuypaq. Tsaykunataqa ama parlayllapis parlayaytsu. 13Aktsichö imapis rikakanqannömi paykuna jutsata rurayanqanpis musyakanqa.

14Jutsa ruraqkuna tantiyayänanpaqmi juk parlapis nin:

<<Puñuy siki, rikchay.

Wañushqa kanqaykipita kawamuy.

Jesucristum aktsipaykäshunki>>.

15Tsaynö kaykaptinqa imanö kawaykäyanqaykitapis tantiyakuyay. Mana tantiyakuq runanö kawayanqaykipa rantin yachayyuq runanö kawakuyay. 16Wakin kaq mana allita rurar kawayaptinpis qamkunaqa imaypis allikunallata rurayay. 17Mana tantiyakuq runanöqa ama kawayaytsu. Tsaypa rantinqa Señornintsik munanqannö kawakuyänaykipaq shumaq tantiyakuyay.

18Ama upyayaytsu. Machashqa runaqa llutankunatam ruran. Tsaypa rantinqa Espíritu Santupa poderninchö kawakuyay. 19Salmukunata, himnukunata y cörukunata cantar llapan shonquykikunawan Dios Yayata alabayay. 20Ima kaptinpis Señornintsik Jesucristupa shutinchö Dios Yayata agradëcikuyay.#Col. 3.16-17.

Ollquyuq y warmiyuq kaqkuna imanö kawakuyänanpaq ninqan

21Jesucristupita mantsakur juknin juknintsikpis respitanakur kawakushun.

22Warmikuna, Señor Jesucristuta cäsuyanqaykinölla ollquykikunata cäsuyay.#Col. 3.18; 1Ped. 3.1. 23Warmiqa ollqunpa poderninchömi kaykan. Tsaynöllam iglesiapis Jesucristupa poderninchö kaykan. Iglesiam paypa cuerpun y paymi iglesiapa salvaqnin.#Col. 1.18. 24Tsaynö kaykaptinqa Jesucristuta iglesian cäsunqannö warmikunapis ollqunkunata cäsuyätsun.

25Ollqukuna, iglesiata Jesucristo kuyanqannö warmikikunata kuyayay.#Col. 3.19; 1Ped. 3.7. Iglesiata kuyarmi wañuymanpis Jesucristo charqan. 26Tsaynö wañurqan payman creyikuqkuna Dios Yayapa palabranwan mayllashqa kar santu kayänanpaqmi. 27Tsaymi kikinpa puntanman pushanqa chipakyaypa chipakyaykaqta, mana jutsannaqta, santuta y pay munanqannö kaykäyaqta.#2Cor. 11.2; Apoc. 21.2, 9.

28Pipis warminta kuyarqa kikinpa cuerpuntapis kuyanmi. Tsaymi cuerpunta kuyanqannölla warmintapis kuyanman. 29Manam ni pipis cuerpunta maltratantsu, sinöqa alimentarmi cuidan. Tsaynöllam Jesucristupis iglesianta cuidan. 30Noqantsikmi Jesucristupa cuerpun, [aytsan y tullun] kantsik.#Col. 1.18.

31Dios Yayapa palabranmi nin: <<Mamanpita y taytanpitam ollqu yarqun warminwan mana rakikar täkunanpaq. Tsaynö täkurmi ishkanpis jukllayllanö kayanqa>>.#Gén. 2.24.

32Tsay qellqashqachömi Jesucristuwan jukllayllanö kanqantsikta tantiyatsimantsik. Tsaynö tantiyatsimanqantsikmi alläpa kushikuypaq. 33Tsaymi yapay niyaq: Cuerpuykikunata kuyayanqaykinölla warmikikunatapis kuyayay. Warmikunapis ollqunkunata respitayätsun.

Currently Selected:

Efesios 5: qxn

Highlight

Copy

Compare