Popular Bible Verses from Efesios 5

Share

Dios Yayapa kuyay wamrankuna kaykarqa pay jutsannaq kanqannölla qamkunapis jutsannaq kawakuyay. Jesucristo kuyakuq kanqannö qamkunapis kuyakuq kayay. Kuyakuq karmi noqantsik rayku wañur Dios Yayapaq mushkuq sacrificiunö kashqa.

Tsaynö kaykaptinqa imanö kawaykäyanqaykitapis tantiyakuyay. Mana tantiyakuq runanö kawayanqaykipa rantin yachayyuq runanö kawakuyay. Wakin kaq mana allita rurar kawayaptinpis qamkunaqa imaypis allikunallata rurayay.

Ama upyayaytsu. Machashqa runaqa llutankunatam ruran. Tsaypa rantinqa Espíritu Santupa poderninchö kawakuyay. Salmukunata, himnukunata y cörukunata cantar llapan shonquykikunawan Dios Yayata alabayay. Ima kaptinpis Señornintsik Jesucristupa shutinchö Dios Yayata agradëcikuyay.

Mana tantiyakuq runanöqa ama kawayaytsu. Tsaypa rantinqa Señornintsik munanqannö kawakuyänaykipaq shumaq tantiyakuyay.

Ollqukuna, iglesiata Jesucristo kuyanqannö warmikikunata kuyayay. Iglesiata kuyarmi wañuymanpis Jesucristo charqan.

Unayqa qamkunapis jutsata rurarmi tutapaychönö kawayarqayki. Peru kananmi sïqa Jesucristuta chaskir aktsichönöna kaykäyanki. Tsaynö kaykarqa Dios Yaya munanqannöna waran waran kawakuyay.

Jesucristupita mantsakur juknin juknintsikpis respitanakur kawakushun.

Warmikuna, Señor Jesucristuta cäsuyanqaykinölla ollquykikunata cäsuyay.

Tsaymi yapay niyaq: Cuerpuykikunata kuyayanqaykinölla warmikikunatapis kuyayay. Warmikunapis ollqunkunata respitayätsun.

Dios Yayapa palabranmi nin: <<Mamanpita y taytanpitam ollqu yarqun warminwan mana rakikar täkunanpaq. Tsaynö täkurmi ishkanpis jukllayllanö kayanqa>>.

Dios Yayata mana cäsuqkuna mana allikunata rurayaptinpis qamkunaqa ama rurayaytsu. Tsaypa rantin mana alli ruraykunata dëjayänanpaq tantiyatsiyanki.