Efesios 3

1Tsaymi noqa Pablo, Jesucristupa alli willakuyninta qamkunata y wakin mana Israel kaqkunatapis willakunqäpita prësu qaykuraykar...#3.1 Kay yarpayta apóstol Pablo versïculu 14-chöraqmi ushan.

Mana Israel runakunatapis willakunanpaq Pabluta churanqan

2Dios Yaya kuyakuq karmi churamashqa qamkunaman y wakin kaq mana Israel kaqkunamanpis alli willakuyninta apanäpaq.#Col. 1.25. Tsay willakuytaqa musyayankinam. 3Alli willakuyninta mana musyashqa kayaptinpis Dios Yayam tantiyatsimashqa tsay willakuy ima kanqanta.#Gál. 1.12. Tsaynö tantiyatsimanqantam kay cartachö willayaq.

4Kay cartata shumaq liyirmi tantiyayanki Jesucristupa willakuyninta willakunqäta. 5Tsay alli willakuytaqa manam pipis unayqa musyarqantsu. Kananraqmi santu apostolkunata y profëtakunatapis Espíritu Santu tantiyatsiyämashqa. 6Tsay willakuymi nin: Dios Yayapa alli willakuyninta chaskirmi mana Israel runakunapis salvacionta tariyanqa. Tsaymi Israel runakunata Dios Yaya prometinqanta mana Israel kaqkunapis chaskiyanqa. Tsaynöpam llapantsikpis tsay ayllunöllana kaykantsik.#Col. 1.26-27. 7Tsay alli willakuyninta willakunäpaqmi Dios Yaya kuyakuq kar poderösu kayninwan churamashqa.

8Dios Yayaman creyikuqkunapita mënuslla kaykaptïpis#1Cor. 15.9. Dios Yaya kuyamarmi churamashqa Jesucristupa alli willakuyninta mana Israel kaqkunaman chätsinäpaq. Jesucristupa alli willakuyninmanqa manam ni ima riquëzapis iwalantsu. 9Imaypis mana musyayanqan willakuyta pïmaytapis willakunäpaqmi imaykata kamaq Dios Yaya churamashqa.

10Tsaynöpam Jesucristuman creyikuqkuna salvakäyaptin supaykuna y ciëluchö llapan angelkunapis tantiyayan Dios Yaya alli yachayyuq kanqanta. 11Tsaynö tantiyayänanpaqmi Dios Yaya unaypitana dispönirqan. Tsay dispöninqanqa cumplishqanam Señornintsik Jesucristo noqantsik rayku wañunqanpita. 12Tsaymi kananqa Jesucristuman creyikur Dios Yayata mana mantsapaypana mañakuntsik.

13Jesucristo salvamanqantsikta musyaykarqa mana Israel kaqkuna rayku prësu qaykuraptïpis ama llakikuyaytsu. Llakikuyanqaykipa rantin salvakäyänaykipaq willakunqäpita kushikuyay.

Jesucristo alläpa kuyamanqantsik

14Tsaymi qonqurikuykur [Señornintsik Jesucristupa] Taytan Dios Yayata mañakü. 15Paymi kamashqa ciëluchö kaqkunata y kay patsachö kaqkunatapis. 16Paytam mañakü gloriachö riquëzankuna kanqanman Espïritunwan poderta qarayäshunaykipaq. 17Tsaynöllam mañakü firmi creyikuyaptiki Jesucristo shonquykikunachö täkunanpaq. Tsaynöpam alli jawayuq jachanö y alli cimientuyuq wajinö kar paypa kuyakuyninchö kawakuyanki.

18Kuyakuyninchö kawakurmi llapan creyikuq majintsikkunawan tantiyayanki Jesucristo alläpa kuyamanqantsikta. Paypa kuyakuy llakipäkuyninqa alläpa anchu, largu, altu y jundum. 19Tsaymi Dios Yayaman mañakü kuyakuyninta tantiyatsiyäshunaykipaq. Tsaynöpam Dios Yaya qamkunachö kar pay munanqannö kawayänaykipaq imaypis yanapayäshunki.

20¡Dios Yayata alabaykulläshun! ¡Alläpa poderösu kayninwanmi mañakunqantsikpita y yarpanqantsikpitapis masraq yanapamantsik! 21¡Iglesian kanapaq Jesucristo salvamanqantsikpita llapantsik mana ajayaypa imaypis alabaykulläshun! Amén.

Currently Selected:

Efesios 3: qxn

Highlight

Copy

Compare