Efesios 2

Dios Yaya llakipämarnintsik salvamanqantsik

1Unayqa qamkuna jutsa rurayllachö karmi imayka wañushqanö kayarqayki.#2.1 Juk ishkay castellänu traduccionkunachömi versïculu 5-pita jipir kay versïculuman yapan. Tsay yapayanqanmi nin: Tsaynö kayaptikipis kananqa mushuq kawaytam qarayäshurqayki. 2Wakin kaq runakunanöllam Dios Yayata mana cäsur Satanáspa poderninchö kawayarqayki. 3Tsaynöllam llapantsikpis mana allikunata munapar y mana allikunapaq yarpar kawarqantsik. Tsaynö kawanqantsikpitam wakin kaq runakunatanö Dios Yaya castigamashwan karqan.#Col. 3.6.

4Peru tsaynö kaykashqapis Dios Yayam llakipäkuq kayninwan alläpa kuyamashkantsik. 5Tsaymi jutsata rurar wañushqanö kaykashqa Jesucristuta wañunqanpita kawatsimur noqantsiktapis wañushqanö kanqantsikpita kawatsimashkantsik.#Col. 2.13. Llakipäkuq kayninwanmi salvamashkantsik. 6Jesucristuwan kawatsimanqantsiknömi gloriachö paywan jamatsimashkantsik. 7Tsaynöpam Jesucristuchö kashqa alläpa llakipämanqantsikta shamuq watakunachö pïmaypis tantiyayanqa.

8-9Dios Yaya llakipäkuq karmi Jesucristuman creyikushqa salvacionta qaramashkantsik. Manam kikintsikpitatsu ni allita ruranqantsikpitatsu salvacionta tarishkantsik, sinöqa Dios Yayapitam. Tsaymi ni pipis aläbakur ninqatsu: <<Allita ruranqäpitam Dios Yaya salvamashqa>>. 10Jesucristuchö kashqam allikunata rurar kawanapaq mushuq kawayta Dios Yaya qaramashkantsik. Tsaypaqmi unaypitana dispönishqa karqan.

Israel y mana Israel runakunata Jesucristo amistatsinqan

11Ñawpata imanö kayanqaykita ama qonqäyaytsu. Israel runakunaqa señalakushqa karmi señalakunni kayaptiki manakaqman churayäshurqayki. 12Jesucristupa willakuyninta manam musyayarqaykitsu. Israel runa mana kayaptikim Dios Yaya prometinqanta chaskiyänaykipaq ruranqan pactukunapis qamkunapaqtsu karqan. Kay patsachö Diosninnaq y oqrakashqam kawayarqayki.

13Dios Yayapita karuchö kashqa karpis Jesucristuchö karnam yawarninta jichanqanpita Dios Yayapa puntanchöna kawakuykäyanki. 14Alli kawakunapaq yanapamaqnintsik Jesucristum tsaynö salvayäshushkanki.#Juan 14.27. Mana rikänakunapaq tsaparaq perqata juchutsiqnömi Israel runa o mana Israel runa kashqapis juk castanölla kanapaq qorimashkantsik. 15Tsaynö qorimashkantsik Israel runakunapa leyninkunata, mandamientukunata y reglamentukunata anularmi.#Rom. 10.4; Heb. 8.13. Jesucristuchö mushuq runa kanapaqmi Israel runakunatapis y mana Israel runakunatapis qorimashkantsik. 16Cruzchö wañurmi Dios Yayawan amistatsimashkantsik mana chikinakur allina kawakunapaq.#Col. 1.20.

17Kay patsaman Jesucristo shamurmi Dios Yayapa poderninchö alli kawakunapaq willakuyta willakurqan. Tsay willakuymi Dios Yayapita karuchö kaykaq mana Israel runakunapaq y paypa puntanchö kaykaq Israel runakunapaqpis.#Isa. 57.19. 18Tsaymi Israel runa o mana Israel runa kashqapis Dios Yayata imay hörapis mañakunapaq Jesucristo rayku Espíritu Santu yanapamantsik.

Dios Yaya täkunan templu kanqantsik

19Tsaynö kaptinmi qamkunaqa mana Israel runa karpis juklä runanönatsu kaykäyanki, sinöqa Dios Yayapa wamrankunana karmi llapan salvanqan kaqkunawan juk castallana kaykäyanki.

20Qamkunaqa alli cimientuykur shäritsishqa wajinömi kaykäyanki. Tsay wajipa cimientunmi apostolkuna y profëtakuna yachatsikuyanqankuna. Jesucristum wajipa esquïnanchö mas alli kaq maestru rumi kaykan.#Isa. 28.16; Mat. 21.42.

21Jesucristuman creyishqam imayka rumita shumaq perqaqnö noqantsiktapis churamantsik Dios Yayapa sagrädu templun kanapaq. 22Qamkunapis Jesucristuman creyikurmi templu perqaq ruminö kayanki.#1Cor. 3.16-17; 1Ped. 2.4-5. Tsay templuchömi Dios Yayapa Espïritun täkun.

Currently Selected:

Efesios 2: qxn

Highlight

Copy

Compare