KULAVA 9
9
1Yehova ahanjikile kuli Mose mupambo yaXinai hakakweji wakulivanga, ou wamwaka wamucivali kufumisomu valovokele mulifuci lyaEjipitu ngwenyi,
2Vana vaIsalele vakalinge nawa paseka hamwaka wayo wakutongola.
3Halikumbi lyakakweji uno lyakusokesa mulikumi naawana, hakulauka calikumbi, mukayilingoho hakutongola. Mukayilinga nge mwaya vilika vyayo vyosena, nge mwaya mazu ayo akuyulosena.
4Mose ahanjikile kuli vana vaIsalele ngwenyi, valinge paseka.
5Ngoco valingile paseka hakakweji wakulivanga, halikumbi lyakakweji uze lyakusokesa mulikumi naawana, hakulauka calikumbi, mupambo yaXinai. Nge mwosenomu valwezele Mose kuli Yehova, ngoco muvalingile vana vaIsalele.
6Oloze kwapwile malunga vamwe #19.11-12.vapihile hamujimba wamufu, ngoco kavahaxile kulinga paseka halikumbi lizeko. Vahetele kumeso aMose nakumeso aAlone halikumbi lize.
7Vaze vatu vamwambile ngwavo, Tunapihi hamujimba wamufu. Navatutangikila ika tuhone kuhana wana waYehova hamwaka wawo wakutongola muli vana vaIsalele?
8Mose avambile ngwenyi, Imanenu, mangana ngwivwe omu mwangulweza Yehova hali enu.
9Yehova ahanjikile kuli Mose ngwenyi,
10Hanjika kuli vana vaIsalele ngwove, Mutu umwe muli enu, cipwe ou wakukusemunwina cenu, kaci nge mwapihya hamujimba wamufu, mokomoko nge ali nakutambuka jila kwakusuku, cipwe ngoco akalinge paseka kuli Yehova.
11Vakayilinge hakakweji wamucivali, halikumbi lyakusokesa mulikumi naawana hakulauka calikumbi. Vakayilye nambolo yakuzeneka cimbalwila najimbuto jajisasu.
12Kanda vakasezaho nahakucako, kaha #Yowa. 19.36; Kulo. 12.46.kanda vakahokola cifuhwa cenyi cimweko. Vakayilinge nge mwosenomu mwaya cilika capaseka.
13Oloze #Kulo. 12.47.mutu uze natomo, ou nazeneka kutambuka jila, kaha mwalitwamina kwenyi nakukana kulinga paseka, mutu uze navakamuteta muli vatu vakwavo, mwomwo kahanyine wana waYehova hamwaka wawo wakutongolako, xikaho uze mutu mwakambata mulonga wenyi waxili.
14Kaha nge #Kulo. 12.48.ngeji mwakazuzumana muli enu, kaci nge mwakasaka kulinga paseka kuli Yehova, akalinge nge omu mwaya cilika capaseka, nge omu mwaya lizu lyayo lyakuyula. #Kulo. 12.49; Levi 24.22.Mupwanga naluximbi lwolumwe, nahali ou nazuzumanamo, nahali ou nasemukila mulifuci.
Livwi nalifwika tavanaku
(Kulo. 40.34-38)
15 #
Kulo. 40.2, 17. Halikumbi lize vajikile #9.15: Tala 1.50.tavanaku, #Kulo. 40.34.livwi lyafwikile tavanaku, eyi mbalaka yaunjiho. Kaha #Kulo. 13.21, 22.hakulauka calikumbi, lyapwile helu lyatavanaku, kulitala nge kakahya, palanga nahakuca.
16Mukiko mucapwilenga makumbi osena. Livwi lyayifwikilenga, kaha kulitala naufuku nge kakahya.
17 #
10.11, 12; Kulo. 40.36-38. Cose lyazundukile livwi hambalaka, numba vana vaIsalele vakatuke. Kaha kuze lyatulilile livwi, kwakuze vene vana vaIsalele vatungilileko cilombo cavo.
18Hakuvalweza kuli Yehova vana vaIsalele vakatukilenga, kaha hakuvalweza kuli Yehova vatungilenga Vilombo vyavo. Makumbi osena Ximbu lyatwamine livwi hatavanaku, vavandaminyine kucilombo.
19Omu lyaximbwile livwi makumbi amavulu hatavanaku, vana vaIsalele valaminenga muze avalwezele Yehova, kaha kavakatukileko.
20Hamwe livwi lyapwile makumbi amandende kaha hatavanaku, ngoco hakuvalweza kuli Yehova vavandaminyine kucilombo, kaha hakuvalweza kuli Yehova vakatukile.
21Hamwe livwi lyapwileho kufumisa kucingoloxi nakuheta kucimene. Kaha livwi hakuzunduka hacimene, hinavakatuka. Oloze kaci nge lyavandamineho namusana naufuku, livwi hakuzunduka numba hinavakatuka.
22Cipwe nge livwi lyaximbwile makumbi avali hatavanaku, cipwe kakweji, cipwe mwaka, nakutwamaho, vana vaIsalele vavandaminyinenga kucilombo, kavakatukileko. Oloze likiko hakuzunduka, hinavakatuka.
23Hakuvalweza kuli Yehova vatungilenga Vilombo vyavo, kaha hakuvalweza kuli Yehova vakatukilenga. Valaminengomu avalwezele Yehova, hakuvalweza Yehova muli Mose.
Currently Selected:
KULAVA 9: LUE70
Highlight
Copy
Compare
Share
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
