KULAVA 8
8
Alone mwaxika manongo
1Jino Yehova ahanjikile kuli Mose ngwenyi,
2Hanjika kuli Alone umwambulile ngwove, Omu nauwika manongo, aze manongo atanu naavali #Kulo. 25.37; Levi 24.2, 4.akamunyikenga kulutwe lwacitumbikilo camanongo.
3Kaha Alone alingile ngoco. Awikile manongo aco mangana amunyikenga kulutwe lwacitumbikilo camanongo nge omu vamulwezele Mose kuli Yehova.
4 #
Kulo. 25.31-40. Muvatengele Citumbikilo camanongo ngana, cikiko cakutatula caulu, nakulilanda lyaco, nakujitemo jaco, capwile cakutatula, #Kulo. 25.9, 40; 26.30.nge kukufwana cize valwezele Mose kuli Yehova, ngoco muvatengelele Citumbikilo camanongo.
Navavatomesa vaLevi
5Yehova ahanjikile kuli Mose ngwenyi,
6Fumisa vaLevi muli vana vaIsalele uvatomese.
7Uvalinga ngana nakuvatomesa. Uvasapwile #19.9, 13, 20.meya akuvatomesa kuxili, kaha vahicise poko yayembe kumijimba yavo kwosena, vakose mahinavo, valitomese.
8Numba hiveze nangombe wacikuji walivuvu, #15.8-10.nawana wenyi wakulya, wunga wakusalulula vanahingunwina lyehi maji. Ukwata nawa ngombe mukwavo nawa wacikuji walivuvu kupwa wana wahaxili.
9Upandamisa vaLevi kulutwe lwambalaka yakuliwanyina, kaha ukungulula lizavu lyavana vaIsalele lyosena,
10hikupandamisa vaLevi kumeso Yehova. Vana vaIsalele vanangike mavoko avo hali vaLevi.
11Kaha Alone ahane vaLevi kumeso aYehova kupwa wana wakuhungisa hali vana vaIsalele, mangana vapwenga vakuzata milimo yaYehova.
12Jino vaLevi vanangike mavoko avo hamitwe yavaze vangombe vavikuji. Uhana umwe kupwa wana wahaxili, namukwavo kupwa wana wakulumba, kuvahana kuli Yehova nakulinga cakufwika xili hali vaLevi.
13Wimika vaLevi kumeso aAlone nakumeso avana venyi, uvahana kuli Yehova kupwa wana wakuhungisa.
14Ngoco nauhandununa vaLevi muli vana vaIsalele, kaha vaLevi hinavapwanga vami.
15Hakukumisa vyumevi, numba vaLevi vengile Vazatenga milimo yamumbalaka yakuliwanyina. Kaha uvatomesa uvahane kupwa wana wakuhungisa.
16Mwomwo vakivo vavahana cakuvahana kuli Ami vamuli vana vaIsalele. Ngunalitambwilavo #Kulo. 13.2.kuvaxixisa muli vakuliteta mitwe vosena, vatwatwa vavana vaIsalele vosena.
17Mwomwo vatwatwa vamuli vana vaIsalele vosena vanapu vami, navatu natunyama. Ngwalijilikililevo halikumbi lize ngwavetele vatwatwa vosena kulifuci lyaEjipitu.
18Ngoco ngunatambula vaLevi kuvaxixisa muli vatwatwa vamuli vana vaIsalele vosena.
19Kaha ngunavahane vaLevi wana kuli Alone nakuli vana venyi, nakuvatambula muli vana vaIsalele, mangana Vazatenga milimo yavana vaIsalele mumbalaka yakuliwanyina, valingile vana vaIsalele cakufwika xili, kucina muli vana vaIsalele namupwa musongo wacihita omu navapandama vana vaIsalele kuzuvo yajila.
20Ngoco muvalingile vaMose naAlone nalizavu lyavana vaIsalele lyosena kuli vaLevi, nge mwosenomu vamulwezele Mose kuli Yehova nakuvuluka vaLevi, mukiko muvalingile vana vaIsalele.
21VaLevi valitomesele kuxili, vakosele mahinavo. Kaha Alone avahanyine kupwa wana wakuhungisa kumeso aYehova. Kaha Alone avalingilile cakufwika xili nakuvatomesa.
22Hakukumisa vyumevi, numba vaLevi hivengilile vazatenga milimo yavo mumbalaka yakuliwanyina kumeso aAlone nakumeso avana venyi. Nge omu valwezele Mose kuli Yehova nakuvuluka vaLevi, mukiko vene muvavalingilile.
23Yehova ahanjikile kuli Mose ngwenyi,
24Eci cikiko cavaLevi. Kufumisa kuli ava vamyaka makumi avali nayitanu nakusambula, vengile vazatenga milimo yamumbalaka yakuliwanyina.
25Kaha kufumisa kuli ava vamyaka makumi atanu, vakalitwamine kuzata milimo, kanda vakazata cekako,
26oloze vazatenga navandumbwavo mumbalaka yakuliwanyina nakulamamo, kanda vakazata milimoko. Ngoco munaulinga kuli vaLevi hakuvulukevi navalama.
Navalinga paseka
Currently Selected:
KULAVA 8: LUE70
Highlight
Copy
Compare
Share
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
