KULAVA 33
33
Misango yavaIsalele
1Eyi yikiko misango yavana vaIsalele omu valovokele namayongomenavo mulifuci lyaEjipitu #Samu 77.20; 105.26.kumavoko aMose naAlone.
2Mose asonekele kulovoka cavo nge kumisango yavo nge omu vamulwezele kuli Yehova. Eyi yikiko misango yavo hakulovoka cavo.
3 #
Kulo. 12.37. Vakatukile kuLamasese hakakweji wakulivanga, halikumbi lyakakweji wakulivanga lyakusokesa mulikumi naatanu. Hakuca hakuhambakana paseka vana vaIsalele #Kulo. 14.8.valovokele namavoko akuzundula helu kumeso avaEjipitu vosena,
4omu vapwile vaEjipitu nakufunda vatwatwa javo vosena, vaze avetele Yehova muli vakivo. #Kulo. 12.12.Natulunga twavo nawa Yehova avazangamixile.
5Vana vaIsalele Vakatukile kuLamasese, vatungile cilombo cavo kuSukote.
6 #
Kulo. 13.20. Vakatukile kuSukote, vatungile cilombo cavo kuEtame, kusembwa yapambo.
7 #
Kulo. 14.1, 2. Vakatukile kuEtame, valikonekelele nakuheta kuPi-hahilote, kukiko kulutwe lwaMbale-zefwone, vatungile cilombo cavo kulutwe lwaMingitole.
8 #
Kulo. 14.22. Vakatukile kuHahilote, yahicile mukaci kakalungalwiji namupambo. Kaha #Kulo. 15.22.vatambukile makumbi atatu mupambo yaEtame, vatungile cilombo cavo kuMala.
9 #
Kulo. 15.27. Vakatukile kuMala, Vahetele kuElime. KuElime kwapwile tuselwoke vameya likumi navavali, namikoma makumi atanu naavali. Kaha vatungile cilombo cavo kuze.
10Vakatukile kuElime, vatungile cilombo cavo kwakamwihi nakalungalwiji Ucila.
11Vakatukile kuKalungalwiji Ucila, #Kulo. 16.1.vatungile cilombo cavo mupambo Xine.
12Vakatukile mupambo Xine, vatungile cilombo cavo kuNdofwoka.
13Vakatukile kuNdofwoka, vatungile cilombo cavo kuAluxe.
14Vakatukile kuAluxe, #Kulo. 17.1.vatungile cilombo cavo kuLefwicime, kuze kwazenekele meya akunwa vatu.
15Vakatukile kuLefwicime, #Kulo. 19.1.vatungile cilombo cavo mupambo yaXinai.
16Vakatukile mupambo yaXinai, #11.34.vatungile cilombo cavo kuKivilotehatava.
17Vakatukile kuKivilote-hatava, #11.35.vatungile cilombo cavo kuHazelote.
18Vakatukile kuHazelote, vatungile cilombo cavo kuLicima.
19Vakatukile kuLicima, vatungile cilombo cavo kuLimone-peleze.
20Vakatukile kuLimone-peleze, vatungile cilombo cavo kuLivina.
21Vakatukile kuLivina, vatungile cilombo cavo kuLisa.
22Vakatukile kuLisa, vatungile cilombo cavo kuKehelata.
23Vakatukile kuKehelata, vatungile cilombo cavo kupili Xefwele.
24Vakatukile kupili Xefwele, vatungile cilombo cavo kuHalata.
25Vakatukile kuHalata, vatungile cilombo cavo kuMakelote.
26Vakatukile kuMakelote, vatungile cilombo cavo kuTahate.
27Vakatukile kuTahate, vatungile cilombo cavo kuTela.
28Vakatukile kuTela, vatungile cilombo cavo kuMicika.
29Vakatukile kuMicika, vatungile cilombo cavo kuHaxamona.
30Vakatukile kuHaxamona, vatungile cilombo cavo kuMoselote.
31Vakatukile kuMoselote, vatungile cilombo cavo kuMbene-yakane.
32Vakatukile kuMbene-yakane vatungile cilombo cavo kuHole-hangitangate.
33Vakatukile kuHole-hangitangate, vatungile cilombo cavo kuYotovata.
34Vakatukile kuYotovata, vatungile cilombo cavo kuAvalona.
35Vakatukile kuAvalona, vatungile cilombo cavo kuEjone-ngevele.
36Vakatukile kuEjone-ngevele, #20.1.vatungile cilombo cavo mupambo Jine (kuze kuKatexe).
37Vakatukile kuKatexe, #20.22.vatungile cilombo cavo kupili Hole, kusembwa yalifuci lyaEtome.
38 #
20.28. Kaha kapilixitu Alone akandukile kupili Hole nge omu vamulwezele kuli Yehova, afwile kuze mumwaka wakusokesa mumakumi awana kufumisa haze valovokele vana vaIsalele mulifuci lyaEjipitu, hakakweji wamucitanu, halikumbi lyakakweji lyakulivanga.
39Kaha Alone apwile namyaka likulukaji namakumi avali nayitatu haze afwile hapili Hole.
40Jino #21.1. kaKanane, mwangana waAlate, uze atwamine kuSulo kulifuci lyaKanane, evwile kwiza cavana vaIsalele.
41Kaha vakatukile kupili Hole, vatungile cilombo cavo kuZalamona.
42Vakatukile kuZalamona, vatungile cilombo cavo kuPunone.
43Vakatukile kuPunone, #21.10, 11.vatungile cilombo cavo kuOvote.
44Vakatukile kuOvote, vatungile cilombo cavo kuIye-avalime, kungiza yaMowave.
45Vakatukile kulyime, vatungile cilombo cavo kuNjivone-ngate.
46Vakatukile kuNjivone-ngate, vatungile cilombo cavo kuAlamonenjivilataime.
47Vakatukile #27.12.vatungile cilombo cavo kujipili jaAvalime kulutwe lwaNevo.
48Vakatukile kujipili jaAvalime, #22.1.vatungile cilombo cavo kuvyana vyaMowave kuYotau kuYeliko.
49Kaha vatungile cilombo cavo kuYotau kufumisa kuMbete-yeximote mbwe #25.1.nakuAvele-xicime kuvyana vyaMowave.
Jingiza jamafuci akuKanane
50Jino Yehova ambile kuli Mose kuyyana vyaMowave kuYotau kuYeliko ngwenyi,
51Hanjika kuli vana vaIsalele uvambulile ngwove, Enu hakuzauka Yotau nakuheta mulifuci lyaKanane,
52mukahunga vaze vatwama mulifuci vosena kumeso enu, mukanongesa malolwavo akwola osena, mukanongesa makombelo avo akuzuzulula osena, mukasande milundu yavo yakunyunga yosena.
53Mukaheta lifuci lize mukatwamengamo, mwomwo ngunahane lifuci kuli enu mulihetenga.
54Mukaswana lifuci nakusakula natutacikijilo nge mwaya jitanga jenu. Ava vanavulu mukavahana uswana waunene, kahava vanakehe! mukavahana uswana waundende. Kwexokwo nakumwinyikila katacikijilo mutu, kukiko kukapwe kwenyi. Mukaswana nge kumiyaci yavakakuluka jenu.
55Oloze kaci nge namukana kuhanga vaze vatwama mulifuci kumeso enu, kaha vaze namukaseza vahali vakivo navakapwa nge mingonga mumeso enu, namambimbo mujihaci jenu, kaha navakamiyanjisanga mulifuci lize munatwame.
56Ngoco nacikasoloka, muze ngwajinyine kuvalinga vakivo, mukiko vene munangukamilingenu.
Currently Selected:
KULAVA 33: LUE70
Highlight
Copy
Compare
Share
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
