KULAVA 28
28
Mawana ahakumbi hakumbi
(Kulo. 29.38-46)
1Yehova ahanjikile kuli Mose, amwambile ngwenyi,
2Valweze vana vaIsalele ngwove, Anukenunga kunguhana mawanami, #Levi 3.11.kulya cami camawanami akwoca hakakahya, kupwa livumba lyalupengopengo kuli Ami, hamwaka wawo.
3Vambulile nawa ngwove, Ou ukiko wana wakwoca hakakahya uze namuhana kuli Yehova, vana vamikoko vavizamba vamwaka umwe vakuzeneka katenga, vavali halikumbi vavali halikumbi, kupwa wana wakulumba wahakumbi hakumbi.
4Mwanamukoko umwe mumuhana hacimene, mwanamukoko mukwavo mumuhana hacingoloxi,
5nacimbwa cimwe cakusokesa muvimbwa vyalifwa likumi cawunga wakusalulula, kupwa wana wakulya, ukapwe vanahingunwina lyehi cimbwa cimwe cakusokesa muvimbwa vyahine viwana camaji akutwa.
6Unapu wana wakulumba wahakumbi hakumbi, uze ngwatongwele kupili Xinai kupwa livumba lyalupengopengo, wana wakwoca hakakahya wakuhana kuli Yehova.
7Wana wawo wakuhingununa upwe cimbwa cimwe cakusokesa muvimbwa vyahine viwana hamwanamukoko. Mumuhingunwine Yehova wana wakuhingununa wawala wausasu muno mwajila.
8Mwanamukoko mukwavo mumuhana hacingoloxi. Mumuhana nge kuwana wakulya wacimene, nge kuwana wenyi wakuhingununa, kupwa wana wakwoca hakakahya, walivumba lyalupengopengo kuli Yehova.
Sambata namawana ahakakweji hakakweji
9Halikumbi lyasambata mukahana wana wamikoko vavizamba vamwaka umwe vakuzeneka katenga vavali, navimbwa vivali vyakusokesa muvimbwa vyalifwa likumi vyawunga wakusalulula kupwa wana wakulya, vanahingunwina lyehi maji, nawana wawo wakuhingununa.
10Ou ukiko wana wakulumba hasambata hasambata, wakulunjika #v. 3.hawana wakulumba wahakumbi hakumbi nawana wawo wakuhingununa.
11Hakumweka catukweji twenu nawa mukahana wana wakulumba kuli Yehova, vikuji javangombe vamavuvu vavali, nacizamba camukoko umwe, navana vamikoko vavizamba vakuzeneka katenga vamwaka umwe vatanu navavali,
12navimbwa vitatu vyakusokesa muvimbwa vyalifwa likumi vyawunga wakusalulula kupwa wana wakulya, ukapwe vanahingunwina lyehi maji, hangombe hangombe, navimbwa vivali vyakusokesa muvimbwa vyawunga wakusalulula likumi, kupwa wana wakulya, ukapwe vanahingunwina lyehi maji, hacizamba umwe,
13nacimbwa cimwe cakusokesa muvimbwa likumi cawunga wakusalulula vanahingunwina lyehi maji, kupwa wana wakulya wahamwanamukoko hamwanamukoko, kupwa wana wakulumba walivumba lyalupengopengo, wana wakwoca hakakahya wakuhana kuli Yehova.
14Mawanavo akuhingununa akapwe cimbwa cahine cahakaci cavinyo hangombe hangombe, nacimbwa cimwe cakusokesa muvimbwa vyahine vitatu hacizamba, nacimbwa cimwe cakusokesa muvimbwa vyahine viwana hamwanamukoko hamwanamukoko. Ukiko wana wakulumba wahakakweji hakakweji mutukweji twamwaka.
15Mukahana wana wacizamba capembe umwe kuli Yehova kupwa wana wahaxili. Vakamuhane wakulunjika hawana wakulumba wahakumbi hakumbi nawana wawo wakuhingununa.
Mawana ahaviwanyino wakutongola
(Levi 23.1-44)
16 #
Kulo. 12.14-20; Levi 23.5-8. Hakakweji wakulivanga, halikumbi lyakakweji lyakusokesa mulikumi naawana, hali paseka yaYehova.
17Kaha halikumbi lyakakweji kana lyakusokesa mulikumi naatanu hakapwe ciwanyino. Vakalyenga mbolo yakuzeneka cimbalwila hamakumbi atanu naavali.
18Halikumbi lyakulivanga hakapwe kulikungulula cajila, kanda mukazataho milimo yakukilikita yimweko.
19Oloze mukahana wana wakwoca hakakahya, wana wakulumba wakuhana kuli Yehova, vikuji javangombe vamavuvu vavali, nacizamba camukoko umwe, navana vamikoko vavizamba vamwaka umwe vatanu navavali. Vakapwe vakuzeneka katenga kuli enu.
20Mukahana wana wawo wakulya nawa, wunga wakusalulula vanahingunwina lyehi maji, vimbwa vitatu vyakusokesa muvimbwa likumi hangombe hangombe, navimbwa vivali vyakusokesa muvimbwa likumi hacizamba.
21Mukahana cimbwa cimwe cakusokesa muvimbwa likumi hamwanamukoko hamwanamukoko havana vamikoko vaze vatanu navavali,
22nacizamba capembe umwe kupwa wana wahaxili, nakumilingila cakufwika xili.
23Mukavahana vakulunjika #v. 3.hawana wakulumba wacimene, ou wakupwa wana wakulumba wahakumbi hakumbi.
24Mukiko munamukahana hakumbi hakumbi hamakumbi atanu naavali, cikiko kulya cawana wakwoca hakakahya, walivumba lyalupengopengo kuli Yehova. Vakauhane wakulunjika hawana wakulumba wahakumbi hakumbi nawana wawo wakuhingununa.
25Kaha halikumbi lyamucitanu naavali mukapwa nakulikungulula cajila, kanda mukazataho milimo yakukilikita yimweko.
26Kaha nawa, #Kulo. 23.16; 34.22; Levi 23.15-21.halikumbi lyambuto jakulivanga, omu namukahana wana wakulya wauhya kuli Yehova haciwanyino cenu cajisemana, mukapwa nakulikungulula cajila, kanda mukazataho milimo yakukilikita yimweko.
27Oloze mukahana wana wakulumba kupwa livumba lyapengopengo kuli Yehova, vikuji javangombe vamavuvu vavali, nacizamba camukoko umwe, navana vamikoko vavizamba vamwaka umwe vatanu navavali,
28nawana wawo wakulya, wunga wakusalulula vanahingunwina lyehi maji, vimbwa vitatu vyakusokesa muvimbwa likumi hangombe hangombe, navimbwa vivali vyakusokesa muvimbwa likumi hacizamba uze umwe,
29nacimbwa cimwe cakusokesa muvimbwa likumi hamwanamukoko hamwanamukoko havana vamikoko vaze vatanu navavali,
30nacizamba capembe umwe wakumilingila cakufwika xili.
31Mukavahana vakulunjika #v. 3.hawana wakulumba wahakumbi hakumbi nawana wawo wakulya namawanawo akuhingununa. Vakapwe vakuzeneka katenga kuli enu.
Currently Selected:
KULAVA 28: LUE70
Highlight
Copy
Compare
Share
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
