KULAVA 29
29
1 #
Kulo. 23.16; 34.22; Levi 23.23-25. Hakakweji wamucitanu navavavali, halikumbi lyakakweji kana lyakulivanga, mukapwa nakulikungulula cajila, kanda mukazataho milimo yakukilikita yimweko. Linapu likumbi lyakwimba jineta kuli enu.
2Mukahana wana wakulumba kupwa livumba lyalupengopengo kuli Yehova, cikuji cangombe walivuvu umwe, nacizamba camukoko umwe, navana vamikoko vavizamba vamwaka umwe vakuzeneka katenga vatanu navavali,
3nawana wavo wakulya, wunga wakusalulula vanahingunwina lyehi maji, vimbwa vitatu vyakusokesa muvimbwa likumi hangombe wacikuji uze, navimbwa vivali vyakusokesa muvimbwa likumi hacizamba uze,
4nacimbwa cimwe cakusokesa mulikumi hamwanamukoko hamwanamukoko havana vamikoko vaze vatanu navavali,
5nacizamba capembe umwe kupwa wana wahaxili wakumilingila cakufwika xili.
6Mukavahana vakulunjika #28.27.hawana wakulumba wahakumweka cakakweji, nawana wawo wakulya, #28.3.nawana wakulumba wahakumbi hakumbi nawana wawo wakulya namawanawo akuhingununa, mwaya mazu awo akuyula, kupwa livumba lyalupengopengo, wana wakwoca hakakahya wakuhana kuli Yehova.
7 #
Levi 16.29-34; 23.26-32. Halikumbi lyakakweji kana wamucitanu navavali lyakusokesa mulikumi mukapwa nakulikungulula cajila. Kaha mukaliyanjisa myono yenu, kanda mukazataho milimo yimweko.
8Oloze mukahana wana wakulumba kuli Yehova kupwa livumba lyalupengopengo, cikuji cangombe walivuvu umwe, nacizamba camukoko umwe, navana vamikoko vavizamba vamwaka umwe vatanu navavali. Vakapwe vakuzeneka katenga kuli enu.
9Mukahana wana wawo wakulya, wunga wakusalulula vanahingunwina lyehi maji, vimbwa vitatu vyakusokesa muvimbwa likumi hangombe uze, navimbwa vivali vyakusokesa muvimbwa likumi hacizamba uze umwe.
10nacimbwa cimwe cakusokesa muvimbwa likumi hamwanamukoko hamwanamukoko, havana vamikoko vaze vatanu navavali,
11napembe wacizamba umwe kupwa wana wahaxili, kuvalunjika hawana wahaxili wakulinga cakufwika xili, #28.3.nahawana wakulumba wahakumbi hakumbi nawana wawo wakulya namawanawo akuhingununa.
12 #
Levi 23.33-35. Halikumbi lyakakweji kana wamucitanu navavali lyakusokesa mulikumi naatanu mukapwa nakulikungulula cajila. Kanda mukazataho milimo yakukilikita yimweko. Mukalamanga ciwanyino kuli Yehova hamakumbi atanu naavali.
13Kaha mukahana wana wakulumba, wana wakwoca hakakahya, kupwa livumba lyalupengopengo kuli Yehova, vikuji javangombe vamavuvu likumi navatatu, navizamba jamikoko vavali, navana vamikoko vavizamba vamwaka umwe likumi j navawana. Vakapwe vakuzeneka katenga.
14Mukahana wana wawo wakulya, wunga wakusalulula vanahingunwina lyehi maji, vimbwa vitatu vyakusokesa muvimbwa likumi hangombe hangombe havangombe vaze likumi navatatu, navimbwa vivali vyakusokesa muvimbwa likumi hacizamba hacizamba havizamba vaze vavali,
15nacimbwa cimwe cakusokesa muvimbwa likumi hamwanamukoko hamwanamukoko havana vamikoko vaze likumi navawana,
16nacizamba capembe umwe kupwa wana wahaxili, wakulunjika hawana wakulumba wahakumbi hakumbi nawana wawo wakulya nawana wawo wakuhingununa.
17Halikumbi lyamucivali mukahana vikuji javangombe vamavuvu likumi navavali, navizamba jamikoko vavali, navana vamikoko vavizamba vamwaka umwe vakuzeneka katenga likumi navawana,
18nawana wavo wakulya namawanavo akuhingununa, ahavikuji, nahavizamba, nahavana vamikoko, nge kutesa nakuvula cavo, nge mwaya mazu akuyula,
19nacizamba capembe umwe kupwa wana wahaxili, wakulunjika hawana wakulumba wahakumbi hakumbi, nawana wawo wakulya namawanawo akuhingununa.
20Halikumbi lyamucitatu mukahana vikuji javangombe likumi naumwe, navizamba jamikoko vavali, navana vamikoko vavizamba vamwaka umwe vakuzeneka katenga likumi navawana,
21nawana wavo wakulya namawanavo akuhingununa, ahavikuji, nahavizamba, nahavana vamikoko, nge kutesa nakuvula cavo, nge mwaya mazu akuyula,
22nacizamba capembe umwe kupwa wana wahaxili, wakulunjika hawana wakulumba wahakumbi hakumbi nawana wawo wakulya nawana wawo wakuhingununa.
23Halikumbi lyamuciwana mukahana vikuji javangombe likumi, navizamba jamikoko vavali, navana vamikoko vavizamba vamwaka umwe vakuzeneka katenga likumi navawana,
24nawana wavo wakulya namawanavo akuhingununa, ahavikuji, nahavizamba, nahavana vamikoko, nge kutesa nakuvula cavo, nge mwaya mazu akuyula,
25nacizamba capembe umwe kupwa wana wahaxili, wakulunjika hawana wakulumba wahakumbi hakumbi nawana wawo wakulya nawana wawo wakuhingununa.
26Halikumbi lyamucitanu mukahana vikuji javangombe vatanu navawana, navizamba jamikoko vavali, navana vamikoko vavizamba vamwaka umwe vakuzeneka katenga likumi navawana,
27nawana wavo wakulya namawanavo akuhingununa, ahavikuji, nahavizamba, nahavana vamikoko, nge kutesa nakuvula cavo, nge mwaya mazu akuyula,
28nacizamba capembe umwe kupwa wana wahaxili, wakulunjika hawana wakulumba wahakumbi hakumbi nawana wawo wakulya nawana wawo wakuhingununa.
29Halikumbi lyamucitanu nalimwe mukahana vikuji javangombe vatanu navatatu, navizamba jamikoko vavali, navana vamikoko vavizamba vamwaka umwe vakuzeneka katenga likumi navawana,
30nawana wavo wakulya namawanavo akuhingununa, ahavikuji, nahavizamba, nahavana vamikoko, nge kutesa nakuvula cavo, nge mwaya mazu akuyula,
31nacizamba capembe umwe kupwa wana wahaxili, wakulunjika hawana wakulumba wahakumbi hakumbi nawana wawo wakulya nawana wawo wakuhingununa.
32Halikumbi lyamucitanu naavali mukahana vikuji javangombe vatanu navavali, navizamba jamikoko vavali, navana vamikoko vavizamba vamwaka umwe vakuzeneka katenga likumi navawana,
33nawana wavo wakulya, namawanavo akuhingununa, ahavikuji, nahavizamba, nahavana vamikoko, nge kutesa nakuvula cavo, nge mwaya mazu akuyula,
34nacizamba capembe umwe kupwa wana wahaxili, wakulunjika hawana wakulumba wahakumbi hakumbi nawana wawo wakulya nawana wawo wakuhingununa.
35Halikumbi lyamucitanu naatatu mukapwa nakulikungulula cajila, kanda mukazataho milimo yakukilikita yimweko.
36Oloze mukahana wana wakulumba, wana wakwoca hakakahya, walivumba lyalupengopengo kuli Yehova, cikuji cangombe umwe nacizamba camukoko umwe, navana vamikoko vavizamba vamwaka umwe vakuzeneka katenga vatanu navavali.
37Wana wavo wakulya namawanavo akuhingununa, nahacikuji nahacizamba nahavana vamikoko, akapwe nge kutesa nakuvula cavo, nge mwaya mazu akuyula.
38Mukahana nawa cizamba capembe umwe kupwa wana wahaxili, wakulunjika hawana wakulumba wahakumbi hakumbi nawana wawo wakulya nawana wawo wakuhingununa.
39Evi vene mukavihana kuli Yehova haviwanyino vyenu vyakutongola, vyakulunjika havyuma vize munanguxiki, nahamawanenu akulyanukila, vikapwe mawanenu akulumba, namawanenu akulya, namawanenu akuhingununa, namawanenu akulweza keke.
40Kaha Mose avambulilile vana vaIsalele nge mwosenomu vamulwezele Mose kuli Yehova.
Currently Selected:
KULAVA 29: LUE70
Highlight
Copy
Compare
Share
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
