KULAVA 24
24
1Jino Mbalame hakumona ngwenyi, Kalunga namono kuwaha kukisula vaIsalele, kayile nge hakulivanga mangana akawane utahiko, oloze atalile meso enyi kupambo.
2Mbalame andwile meso enyi, amwene vaIsalele vanatwame kumiyaci yavo. Kaha Xipilitu yaKalunga ejile hali ikiye,
3ngoco atele ciximo cenyi, ambile ngwenyi, Mbalame mwanaMbeyole,
Lungou vatonesanga kumeso enyi,
4Muka-kwivwa mazu aKalunga,
Ou vanamwenesa Muka-ngolo josena
Hakulimbuka hamavu nakutona kumeso enyi, ikiye nambe
5Ngwenyi, Ove Yakova, jimbalaka jove oco kuwaha!
Namautwamo ove nawa, ove Isalele!
6Vanavitanjika nge vinema,
Nge matepa kucikulo cakalwiji,
Nge #24.6 Mulowe himutondo walivumba lyamwaza hakuwema.milowe yize vatumba kuli Yehova,
Nge mixitale yili kwakamwihi nameya.
7Meya nawakasupuka kujimbekete jenyi,
Vaka-tanga yenyi navakapwa mumeya amavulu,
Mwangana wenyi mwakapwa helu lyaAngange,
Kaha wangana wenyi navakauzundula helu.
8Kalunga Ikiye namulovola muEjipitu.
Ali nangolo nge ojo japakasa.
Vaka-mafuci eka vaka-kole jenyi #Samu 2.9.mwakavalya ma,
Nakucika mafuhwavo cikiciki,
#
Samu 45.5. Nakuvatuvatuva namivwi yenyi.
9Alisosele, autamine nge ndumba, Nge ndumba wacipwevo.
Iyaze mwamusangumuna?
#
Kupu. 12.3; 27.29. Ou mwakukisula vakamukisule,
Ou mwakwangula vakamwangule.
Mazu aMbalame aupolofweto
10Jino Mbalaka akwacile utenu hali Mbalame, alingile pu mumavoko enyi. Mbalaka ambile kuli Mbalame ngwenyi, Ngwakusanyikanga mangana wangule vaka-kole jami, kaha kumana, unavakisula cakuvakisula katatu ngana.
11Xikaho jino, cinyina kumahyove. Ngwambanga ngwami, Ngukulemese vene, oloze kumana, Yehova nakukingi kucina naumona ulemu.
12Mbalame ambile kuli Mbalaka ngwenyi, Ngwahanjikile nakuli va luwa jove watumine kuli ami nyi ngwami,
13Kaci Mbalaka mwanguhana zuvo yenyi yato napalata naulu, cipwe ngoco kangwexi kuhasa kuzomboka lizu lyaYehova nakulinga cipwe mwamwaza cipwe mwamupi mwaya mucima wamiko. Ngwami, Mwexomwo mwahanjika Yehova, mukiko vene munanguhanjika nyi?
14Kaha jino, tala, nanguya kuli vausoko wami. Twaya, nangukwambulilomu navakalinga vatu ava kuli vatu jove hamakumbi akukuminyina.
15Kaha atele ciximo cenyi, ambile ngwenyi,
Mbalame mwanaMbeyole,
Lungou vatonesanga kumeso enyi,
16Muka-kwivwa mazu aKalunga,
Ou natacikiza cinyingi caMukakulitulaho,
Ou vanamwenesa Muka-ngolo josena
Hakulimbuka hamavu nakutona kumeso enyi, ikiye nambe
17Ngwenyi, Ngunamumono, oloze kexi oholiliko,
Ngunamutale, oloze kexi hakamwihiko.
KuYakova najikalovoka tanganyika,
#
Kupu. 49.10. Mukombo wawangana naukakatuka kuIsalele,
Nakupazula kumitamba yaMowave,
Nakupuzula vana vakupindangana vosena.
18Etome mwakapwa luheto lwambala,
NaSeile nawa mwakapwa luheto, vaze vapwile vaka-kole jenyi,
Omu mwakalinga Isalele vyaungazule.
19Umwe wakulovoka muYakova mwakapwa mwata,
Mwakanongesa vaze vanasaleho mulimbo.
20Atalile Amaleke nawa, atele ciximo cenyi ngwenyi,
Amaleke apwile wakulivanga kuli vaka-mafuci,
Oloze kukumisa cenyi cakusongo naciza kunonga.
21Atalile vaKene nawa, atele ciximo cenyi ngwenyi,
Kwove watwama kwakola,
Uswa wove vauhaka mulilolwa.
22Cipwe ngoco, kuKene navakalalisako,
Palanga nomu mwakakukwata Axule ufunge.
23Kaha atele ciximo cenyi ngwenyi,
Mama lelo! Iyaze mwakayoya omu mwakalinga Kalunga ngoco?
24Oloze mato nawakafuma kulifuci lyaKicime,
Navakayanjisa Axule, nakuyanjisa Evele,
Naikiye nawa mweza kunonga.
25Kaha Mbalame akatukile kuze, ayile kwenyi. NaMbalaka nawa ayile kwenyi.
Currently Selected:
KULAVA 24: LUE70
Highlight
Copy
Compare
Share
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
