KULAVA 25
25
VaIsalele navalemesa Mbale-peyole
1Jino vaIsalele vatwamine kuXicime, kaha vatu vaputukile #31.16; Koli. 1, 10.8; Kuso. 2.14.kulinga ujila navana vaMowave vamapwevo.
2Mwomwo vakivo vasanyikile vatu kukuvatwila tulunga twavo vimuna. Kaha vatu valile, valifukwile kuli tulunga twavo.
3Ngoco #Samu 106.28, 29.vaIsalele valipanjikile naMbale-peyole. Yehova akwacile utenu hali vaIsalele.
4Yehova ambile kuli Mose ngwenyi, Kwata vamyata javatu ava vosena, uvasukike kuli Yehova hamusana, mangana liyena lyautenu waYehova lipeuke kuli vaIsalele.
5Mose ambile kuli vaka-kuyula javaIsalele ngwenyi, Jihenu mutu himutu vatu jenyi vanalipanjika #25.5 Mbale apwile kalunga kavaka-mafuci wakuhumikiza. naMbale-peyole.
6Kaha kumana, kuli vana vaIsalele kwejile umwe, anehele pwevo wakaMicane kuli vandumbwenyi kumeso aMose nakumeso alizavu lyavana vaIsalele lyosena, ximbu vapwile nakulila kucikolo cambalaka yakuliwanyina.
7 #
Samu 106.30. Omu acimwene Fwinehase mwanaEleyaza, mwanakapililixitu Alone, akatukile mulizavu, akwacile likunga mulivoko lyenyi,
8amukavile uze lunga wakaIsalele namutulo yambalaka, kaha avatuvile vosena vavali, nauze lunga wakaIsalele nauze pwevo nawa mumujimba wenyi. Ngoco musongo wacihita wemanyine kuli vana vaIsalele.
9Jino vaze vafwile namusongo uze vapwile #25.9 24, 000.tununu tuvali namakombakaji awana.
10Yehova ahanjikile kuli Mose ngwenyi,
11Fwinehase mwanaEleyaza mwanakapilixitu Alone napeula kulundundu yami kuli vana vaIsalele, mwomwo asungulanga muli vakivo nalisungu lyami, ngoco vana vaIsalele kangwavalalixile nalisungu lyamiko.
12Xikaho ambulula ngwove, Tala, nangumuxika luxiko lwami lwakuunda.
13Kaha nalukapwanga kuli ikiye nakuli vaka-tanga yenyi navakamukava munyima, lukiko luxiko lwaupilixitu wahaya myaka yosena. Mwomwo asungulanga hali Kalunga kenyi, nomwo alinganga cakufwika xili hali vana vaIsalele, xikaho.
14Lijina lyalunga wakaIsalele uze Vajihile, uze vajihile napwevo wakuMicane, apwile ikiye Jimili, mwanaSalu, muka-kulitulaho kuzuvo yavakaka vamuli vaXimeyone.
15Kaha lijina lyapwevo wakuMicane uze vajihile, apwile ikiye Kozovi, mwanaZule. Ise apwile mwata wavatu vakuzuvo yavakaka yamuMicane.
16Yehova ahanjikile kuli Mose ngwenyi,
17Vayanjise vaMicane nakuvaveta,
18mwomwo vakivo veji kumiyanjisanga nakumbembejeka cavo vanamimbembejeka kumulonga waPeyole, nakumulonga waKozovi mwanamuka-kulitulaho wakuMicane, ndumbwavo wapwevo, uze vajihanga halikumbi lyamusongo wacihita kumulonga waPeyole.
Currently Selected:
KULAVA 25: LUE70
Highlight
Copy
Compare
Share
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
