KULAVA 19
19
Omu navatomesevi vinapihi
1Yehova ahanjikile kuli Mose nakuli Alone ngwenyi,
2Eci cikiko cilika caluximbi elu namilweze Yehova ngwenyi, Hanjika kuli vana vaIsalele mangana vakunehele mwanangombe wacitole ucila, walambwe, wakuzeneka katenga, ou kanda vahake lyehi toka.
3Mumuhana kuli kapilixitu Eleyaza. Amulovole kusali yacilombo. Kaha mutu akamujihe kumeso enyi.
4Kapilixitu Eleyaza akambate kumanyingenyi namunwe wenyi, akasapwile manyingenyi katanu nakavali kutalisa kulutwe lwambalaka yakuliwanyina.
5Mutu akalumbe uze mwanangombe wacitole kumeso enyi, akalumbe lilambu lyenyi nanyama yenyi namanyingenyi natuji twenyi.
6Kapilixitu akambate muxitale, nahusope, namangona acila, akavimbile mukaci omu navalumbila uze mwanagombe wacitole.
7Numba uze kapilixitu akakose mahinenyi, akasane meya mumujimba wenyi, kaha hakukuminyina numbengile mucilombo, kaha kapilixitu mwapihya palanga nahakulauka calikumbi.
8Uze mwamulumba citole akakose mahinenyi nameya, akasane meya mumujimba wenyi, kaha mwapihya palanga nahakulauka calikumbi.
9Jino mutu umwe natomo akakungule wuto wayauze mwanangombe wacitole, akautulike kusali yacilombo kuma kutoma. Vakaulamenga halizavu lyavana vaIsalele, kulingisa meya akutomesa kukupihya. Unapu wana wahaxili.
10Uze mwakungula wuto wayauze mwanangombe wacitole akakose mahinenyi, kaha mwapihya palanga nahakulauka calikumbi. Cipwenga cilika haya myaka yosena kuli vana vaIsalele nakuli ngeji nazuzumana muli vakivo.
11Ou mwakwata hamujimba wamufu mwapihya makumbi atanu naavali.
12Ikiye akalitomese nawo halikumbi lyamucitatu, kaha halikumbi lyamucitanu naavali numba atome. Oloze kaci nge kexi kulitomesa halikumbi lyamucitatuko, kaha halikumbi lyamucitanu naavali kexi kukatomako.
13Wose mwakwata hacivimbi, hamujimba wamutu wakufwa, nakuzeneka kulitomesa, napihisa #19.13:Tala 1.50.tavanaku yaYehova, kaha mutu uze navakamuteta muli vaIsalele. Mwomwo meya akutomesa kukupihya kavamusapwililewoko, xikaho mwapihya. Kupihya cenyi cicili hali ikiye.
14Elu lukiko luximbi omu mwafwa mutu mumbalaka. Wexowo mwengila mumbalaka yize, nawexowo ali mumbalaka, mwapihya makumbi atanu naavali.
15Jindeho javihululu jakuzeneka vifwiko vyakukasaho josena jinapihi.
16Kaha kucipapa kwamokomoko, wexowo mwakwata hali ou vanajihi napoko yamukwale, cipwe kukwata hamujimba wamufu cipwe hacifuhwa camufu cipwe hacimbumbe, mwapihya makumbi atanu naavali.
17Kahou napihi vakamumbacile wuto wakukulumba wana wahaxili, vakahakileko meya amuta mundeho.
18Mutu umwe natomo akambate husope, akayitupike mumeyaze, akawasapwile hambalaka, nahavyuma vyosena, nahali vatu vapwangako, nahali uze akwatanga hacifuhwa cipwe hali ou vajihanga, cipwe hali mufu cipwe hacimbumbe.
19Mutu kana uze natomo #Hepe. 10.22.akasapwile hali ou napihi halikumbi lyamucitatu nahalikumbi lyamucitanu naavali. Halikumbi lyamucitanu naavali akamutomese, kaha akakose mahinenyi, akasane meya mumujimba wenyi, kaha hakulauka calikumbi numba atome.
20Oloze mutu uze mwakapihya nakuzeneka kulitomesa, mutu uze navakamuteta muliwuka, mwomwo napihisa zuvo yaYehova yajila, xikaho. Meya akutomesa kukupihya kavamusapwililewoko. Napihi.
21Cipwenga cilika cahaya myaka yosena kuli vakivo. Uze mwakasapwila meya kana akutomesa kukupihya akakose mahinenyi. Kaha uze mwakakwata meya kana akutomesa kukupihya mwapihya palanga nahakulauka calikumbi.
22Cexoco mwakakwata mutu kana napihi nacipihya nawa. Kaha mutu uze mwacikwata mwapihya palanga nahakulauka calikumbi.
Currently Selected:
KULAVA 19: LUE70
Highlight
Copy
Compare
Share
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
