KULAVA 17
17
Mukombo waAlone
1Jino Yehova ahanjikile kuli Mose ngwenyi,
2Hanjika kuli vana vaIsalele, uvatambule mikombo, umwe kuzuvo yavakakuluka javo, umwe kuzuvo yavakakuluka javo, kuli vaka-kulitulaho vosena, nge kujizuvo javakakuluka javo, mikombo likumi nayivali. Usoneka lijina lyamutu himutu hamukombo wenyi.
3Kaha usoneka lijina lyaAlone hamukombo waLevi. Mwomwo kupwe mukombo umwe wamwata wakuzuvo hizuvo yavakakuluka javo.
4Uyitulika mumbalaka yakuliwanyina kulutwe #Kulo. 25.16, 21, 22.lwaunjiho oku ngweji kuliwanyinanga nayenu.
5Kaha nacisoloka, mukombo wamutu ou nangusakula naucivikila. Kaha kutatwoka cavana vaIsalele veji kumitatwokesanga nanguciholesa cingufume.
6Ngoco Mose ahanjikile kuli vana vaIsalele. Kaha vaka-kulitulaho javo vosena Vamuhanyine mikombo, umwe kuli muka-kulitulaho, umwe kuli muka-kulitulaho, nge kujizuvo javakakuluka javo, mikombo likumi nayivali. Namukombo waAlone nawa wapwile namikombo yavo hamwe.
7Mikombo kana Mose ayitulikile kumeso aYehova mumbalaka yaunjiho.
8Kaha casolokele hacimene, Mose engilile mumbalaka yaunjiho. Kaha kumana, #Hepe. 9.4.mukombo waAlone wakuzuvo yaLevi wapwile unacivikila lyehi, unalovola lyehi mitekengo, unafukula jitemo, unemi mamonde akwihya.
9Mose alowele mikombo yize yosena kuyifumisa kumeso aYehova ayitwalile kuli vana vaIsalele. Vatalile, vatambwile mutu himutu mukombo wenyi.
10Yehova ambile kuli Mose ngwenyi, Haka ceka mukombo waAlone kulutwe lwaunjiho, vaulamenga kupwa cinjikizo cakupayisa vana vakulikanga, mangana ukumise kungutatwokesa cavo, kucina navakafwa.
11Ngoco vene mwalingile Mose. Nganomu vamulwezele kuli Yehova, mukiko vene mwalingile.
12Kaha vana vaIsalele Vambile kuli Mose ngwavo, Kumana, natutoka, natunonga, tuvosena natunonga.
13Wose mwapandamako, ou mwapandama kutavanaku yaYehova, mwafwa. Natutoka tuvosena tahi?
Currently Selected:
KULAVA 17: LUE70
Highlight
Copy
Compare
Share
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
