KULAVA 11
11
Yehova mwatuma vangwali
1Jino vatu vapwile nge vakuyayavala, vahanjikile mwamupi mumatwitwi aYehova. Yehova hakucivwa akwacile utenu, kaha kakahya kaYehova kakwacile muli vakivo, kavalile mbwe nakusembwa yacilombo.
2Ngoco vatu vatetele kuli Mose, Mose alombele kuli Yehova, kaha kaze kakahya kaholele.
3Valukile kuze ngwavo, #11.3: Nge ngwavo, Kukuwema.KuTavela, mwomwo kakahya kaYehova kakwacile muli vakivo, xikaho.
4Jino #Kulo. 12.38; Koli. 1, 10.6.vatu veka vaze vamuli vakivo vevwile peha cikuma, navana vaIsalele nawa valilile ceka, Vambile ngwavo, Iyaze mwatuhana nyama tulyenga?
5 #
Kulo. 16.3. Tunanuka vaixi vaze twapwilenga nakulya cawana kaha kuEjipitu, namatende, namalengela, najisapwola jeka najeka natulumingu.
6Oloze oholili myono yetu yinomu lyehi cau, kakwexi cuma ceka kumeso etuko xineyi mana kaha.
7Jino #Kulo. 16.31.mana yapwile nge jimbuto Jakolyande, kuyitala nge #11.7: Ulilila walivumba lyamwaza utoma.ndelyume.
8Vatu vapwilenga nakuhitangana nakuyikungula nakuyiceka hamalolwa nakuyitwa mumayanda. Kaha vayitelekelenga mujindeho, vaungilenga vindanda. Kuyimakila yapwile nge jimbolo jakusunga namaji.
9Omu wejile mume hacilombo naufuku, namana nawa yejilengaho.
10Jino Mose evwile vatu vapwile nakulila mujitanga javo josena, mutu himutu kucikolo cambalaka yenyi. Kaha Yehova akwacile utenu cikuma, naMose nawa evwile kupihya.
11Mose ambile kuli Yehova ngwenyi, Ikaze unangulingila ngoco mwamupi ami ndungo yove? Ngunahonena ika kuwana likoji kumeso ove, numba ungutwike citeli cavatu vosenava?
12Ami ngunemita lijimo lyavatu vosenava numba? Ami ngunavaseme tahi? numba ungwambe ngwove, Vavelekenga hatulo yove nge omu navaveleka kemba wakwamwa kuli ise wakumulela, uvatwale kulifuci lize #Kupu. 24.7; Kulo. 13.5, 11; 33.1.ngwalixingilile kuli vakakuluka javo.
13Nanguwanyina nyama kulihi mangana nguhane kuli vatu vosenava? Mwomwo vali nakulila kumeso ami ngwavo, Tuhane nyama tulyenga.
14Ami uka wami kangwahasa kumbata vatu vosenavako, mwomwo ngolo jami kajatamoko.
15Nge Ove naungulinga ngana, kaci nge ngunawane likoji kumeso ove aci ngujihe cakungujiha, kanda ngukamona ceka lupi elu nguli nakumonako.
16Yehova ahanjikile kuli Mose ngwenyi, Kungulula malunga makumi atanu naavali vakulwane javaIsalele kuli Ami, vaze unatacikiza ngwove, vanapu vakulwane javatu, vamyata javo, vanehe kumbalaka yakuliwanyina, mangana vemaneko nayove.
17Nangufuma mwilu nakuhanjika nayove kuze. Nangutambula kuli Xipilitu ali hali ove nakumuhaka hali vakivo. Ngoco vakivo navambata citeli cavatu ava hamwe nayove, kucina naucimbata uka wove kaha.
18Kaha uvambulila vatu ngwove, Lijilikenu mutalilile likumbi lyahamene, kaha namulya nyama. Mwomwo munalili lyehi mumatwitwi aYehova ngwenu, Iyaze mwatuhana nyama tulyenga? ngwenu, Mwomwo cawahile kuli etu kuEjipitu. Xikaho Yehova mwamihana nyama, kaha namulya.
19Kamwexi kulya likumbi limwe kahako, cipwe makumbi avali, cipwe makumbi atanu, cipwe makumbi likumi, cipwe makumbi makumi avali,
20Oloze kakweji wosena lukombo, palanga nomu nayikalovoka ceka mumazulu enu, nomu namukayivwila unyengwe. Mwomwo munakane lyehi Yehova, Ou ali mukaci kenu, munalili kumeso enyi ngwenu, Twafuminyine ika kuEjipitu?
21Mose amwambile ngwenyi, Vatu ava mukaci kavo nguli vanapu vihita vyakutambuka hamavu vitanu nacimwe. KahOve unambe ngwove, Nanguvahana nyama mangana valyenga kakweji wosena lukombo.
22Kumana, vimuna vavandende navangombe navakavajihilavo nakuvazukisa tahi? Nyi navakavakungulwila vaixi vamukalungalwiji vosena Hamwe nakuvazukisa?
23Yehova ambile kuli Mose ngwenyi, Livoko lyaYehova linahihi numba? Oholili naumona numba nge mwaya lizu lyami namusoloka kuli ove nyi ciku.
24Ngoco Mose alovokele, avambulilile vatu mazu aYehova. Kuli vakulwane javatu akungulwile malunga makumi atanu naavali, avemikile kumbalaka jingulwixi.
25Yehova afumine mwilu mulivwi, ahanjikile nenyi, atambwile kuli Xipilitu apwile hali ikiye, amuhanyine hali vaze vakulwane makumi atanu naavali. Kaha Xipilitu hakutwama hali vakivo, vahanjikile upolofweto, Oloze kavacilingile cekako.
26Oloze kucilombo kwasalile malunga vavali, umwe lijina lyenyi apwile ikiye Eletate, mukwavo lijina lyenyi apwile ikiye Metate. Xipilitu atwamine hali vakivo. Vakivo vapwile kuli vaze vasonekele, Oloze kavalovokele nakuya kumbalakako. Kaha vahanjikile upolofweto kucilombo.
27Ngoco kwalahile mwanalunga, alwezele Mose ngwenyi, Eletate naMetate vali nakuhanjika upolofweto kucilombo.
28 #
Kulo. 33.11; Yoxu. 1.1. Yoxuwa mwanaNune, kambaji kaMose, minavo muvapwililile vatu jenyi asakwile, ahanjikile ngwenyi, Ove mwata wami Mose, vakande.
29Mose amwambile ngwenyi, Ove unevu lisungu hali ami tahi? Kaci vatu jaYehova vosena vanapu vapolofweto, mangana Yehova avahake Xipilitu yenyi!
30Ngoco Mose engilile mucilombo, ikiye navakulwane javalsalele.
31 #
Kulo. 16.13; Samu 78.26-28; 105.40. Kaha kuli Yehova kwafumine peho, yanehele vangwali vakufuma kumutamba wakalungalwiji, yavanehelele helu lyacilombo, kumutambou nge kumusango walikumbi limwe, nakumutamba ukwavo nawa nge kumusango walikumbi limwe, kucilombo jingulwixi, kafwe jikuvite jivali helu lyamavu.
32Vatu vakatukile musana uze wosena naufuku uze wosena nahakuca nawa musana wosena, nakukungula vaze vangwali. Ou akungwile vavandende akungwile jimele likumi. Kaha valyalililevo kucilombo kwosena jingulwixi.
33 #
Samu 78.29-31; 106.15. Hakulinga nyama yicili kumazo avo, ximbu vapwile kanda vayitafunye, Yehova avakwacilile vatu utenu, kaha Yehova avetele vatu namusongo wacihita waunene cikuma.
34Ngoco valukile kuze lijina ngwavo, #11.34 Nge ngwavo, Kuvimbumbe vyapeha.KuKivilote-hatava, mwomwo kuze vafunjile vatu vaze vevwile peha, xikaho.
35Hakufuma kuKivilote-hatava, vatu vatambukile nakuheta kuHazelote, kaha vatwamine kuHazelote.
Currently Selected:
KULAVA 11: LUE70
Highlight
Copy
Compare
Share
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
