KULAVA 12
12
Milyame naAlone navamufulilila Mose
1Jino Milyame naAlone vafulililile Mose hali pwevo kaKuxe uze ambacile, mwomwo #Kulo. 2.21.ambacile pwevo kaKuxe.
2Vambile ngwavo, Yehova nahanjika kuli Mose kaha numba? nahanjika nakuli etu nawa nyi? Kaha Yehova evwileko.
3Jino ou lunga Mose apwile wakulinyisa cikuma kuhambakana vatu vakwilu lyamavu vosena.
4Kaha kukasumuka, Yehova ahanjikile kuli Mose nakuli Alone nakuli Milyame ngwenyi, Lovokenu enu muvatatu mwizenga kumbalaka yakuliwanyina. Ngoco vaze vatatu valovokele.
5Yehova afumine mwilu mupanda yalivwi, emanyine kucikolo cambalaka, asanyikile Alone naMilyame, kaha vosena vavali vapandamineko.
6Avambile ngwenyi, Ivwenu jino mazu ami. Kaci nge muli enu muli kapolofweto, Ami Yehova nangulijimbula kuli ikiye hakumumwenesa cuma, nanguhanjika kuli ikiye hakumulotesa.
7Ngamba yami Mose kexi ngocoko. #Hepe. 3.2, 5. Ikiye axixika muzuvo yami mwosena.
8Nanguhanjika nenyi kanwa nakanwa, mwakulumbunuka, kexi navihande vyakujiminyinako, kaha mwamonomu afwana Yehova. Kaha ikaze mwazenekelanga kwivwa woma wakufulilila ngamba yami Mose?
9Ngoco Yehova avakwacilile utenu, afumineko.
10Livwi lyafumine helu lyambalaka, kaha kumana, Milyame hyali nambumba, ikiye utoma to nge vula yacixika. Alone atalile Milyame, kaha kumana, ikiye muka-mbumba.
11Alone ambile kuli Mose ngwenyi, Ove mwata wami, kanda utuhana mulongako omwo tunalingi mwakuhulama, mwomwo tunavulumuna.
12Ngunasakwila mwane, kanda apwa nge mufuko, nge uze caliwa lyehi cimbwa canyama yenyi hakusemuka mujimo lyanaye.
13Ngoco Mose atetele kuli Yehova ngwenyi, Ove Kalunga, aci muhindule mwane.
14Yehova ambile kuli Mose ngwenyi, Kaci ise amufwijilanga kaha kumeso enyi, kaci natwame makumbi atanu naavali nasonyi nyi? Vamusoke makumbi atanu naavali kusali yacilombo, kaha hakukuminyina, numba vamunehemo ceka.
15Ngoco vasokele Milyame makumbi atanu naavali kusali yacilombo. Kaha vatu kavakatukileko, kuvanga valingile hivanamunehemo ceka Milyame.
16Hakukumisa vyumevi, vatu Vakatukile kuHazelote, vatungile cilombo cavo mupambo Palane.
Currently Selected:
KULAVA 12: LUE70
Highlight
Copy
Compare
Share
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
