VYAVALEVI 8
8
Navajilika Alone navana venyi vamalunga
(Kulo. 29.1-37)
1Yehova ahanjikile kuli Mose ngwenyi,
2Twayenu naAlone navana venyi hamwe, navize vyakuvwala, #Kulo. 30.25.namaji akuwavisa, nangombe wacikuji wawana wahaxili, navizamba jamikoko vavali, namutanga wajimbolo jakuzeneka cimbalwila.
3Kaha ukungulula lizavu lyosena kucikolo cambalaka yakuliwanyina.
4Mose alingile nge muze vamulwezele kuli Yehova. Lizavu lyakungulukilile kucikolo cambalaka yakuliwanyina.
5Kaha Mose ambile kulizavu ngwenyi, Eci cikiko cuma natulweze Yehova kulinga.
6Mose apandamixile Alone navana venyi, avasanyixile meya.
7Amuvwikile cikuto, amukaxile muhya mumbunda, amuvwikile sanya, amuhakile lifwote, amukaxile muhya walifwote wakutunga naunyoji mumbunda, amuvwalixilelyo nawo.
8Amuvwikile cipwiko, kaha mucipwiko ahakilemo #8.8:Tala Kulovoka 28.30.Ulime naTumime.
9Lihina lyakujinga kumutwe alihakile kumutwe wenyi. Kaha kulihina lyakujinga kumutwe, kulutwe, ahakileko uze #Kulo. 28.36. wakuya muupalasese waulu, mucama wajila, nge omu valwezele Mose kuli Yehova.
10Mose ambacile maji akuwavisa, awavixile #8.10:Nge ngwavo, Utwamo. Tavanaku yapwile utwamo waKalunga muli vatu enyi. Tala Kulovoka 25.8.tavanaku navyuma vyosena vyapwilemo, avijilikile.
11Asapwilileko katanu nakavali halijiko lyakulumbila, awavixile lijiko lyakulumbila navyuma vyalyo vyosena, nambaxiya nalitanda lyayo, kuvijilika.
12Ahingunwinyine kumaji akuwavisa hamutwe waAlone nakumuwavisa, nakumujilika.
13Mose apandamixile vana vaAlone, avavwikile vikuto, avakaxile mihya, avavwikile matepa kumitwe, nge omu valwezele Mose kuli Yehova.
14Anehele ngombe wacikuji wawana wahaxili. Kaha Alone navana venyi vanangikile mavoko avo hamutwe wangombe wacikuji wawana wahaxili.
15Amujihile, kaha Mose ambacile manyinga, awakwicile namunwe wenyi hajimbinga jalijiko lyakulumbila jingulwixi, atomesele lijiko lyakulumbila, kaha awahingunwinyine manyinga kuxina yalijiko lyakulumbila nakulijilika, kulilingila cakufwika xili.
16Ambacile maji osenaze apwile elu lyavize vyamujimo, naciwuva camaji cahalisuli, najiyise josena jivali namaji ajo. Kaha Mose avilumbilile halijiko lyakulumbila.
17Oloze uze ngombe wacikuji, nalilambu lyenyi nanyama yenyi natuji twenyi, avilumbilile hakakahya kusali yacilombo nge omu valwezele Mose kuli Yehova.
18Anehele cizamba camukoko wawana wakulumba. Kaha Alone navana venyi vanangikile mavoko avo hamutwe wacizamba.
19Amujihile, kaha Mose asapwilile manyingenyi halijiko lyakulumbila jingulwixi ndo.
20Atetele cizamba vipuka vyenyi, kaha Mose atumbile mutwe navipuka namaji.
21Akosele vize vyamujimo namahinji nameya. Kaha Mose alumbilile cizamba wosena halijiko lyakulumbila. Wapwile wana wakulumba walivumba lyalupengopengo, wapwile wana wakwoca hakakahya wakuhana kuli Yehova, nge omu valwezele Mose kuli Yehova.
22Anehele cizamba camukoko mukwavo, uze cizamba wahakuhandunwina kuupilixitu. Kaha Alone navana venyi vanangikile mavoko avo hamutwe wacizamba.
23Amujihile, kaha Mose ambacile kumanyingenyi, awakwicile kusongo yalitwitwi lyaAlone lyacilyo, nakumunwe waxina wakulivoko lyenyi lyacilyo, nakumunwe waxina wakulihinji lyenyi lyacilyo.
24Apandamixile vana VaAlone. Kaha Mose akwicile kumanyingaze kujisongo jamatwitwi avo avilyo, nakuminwe yaxina yakumavoko avo avilyo, nakuminwe yaxina yakumahinji avo avilyo. Kaha Mose awasapwilile manyinga halijiko lyakulumbila jingulwixi ndo.
25Ambacile maji, namukila wamaji, namaji osenaze apwile havize vyamujimo, naciwuva camaji cahalisuli, najiyise josena jivali namaji ajo, nalihinji lyacilyo.
26Kaha kumutonga wajimbolo jakuzeneka cimbalwila, owo wapwile kumeso aYehova, ambacileko mbolo yakuzeneka cimbalwila yimwe, nambolo yimwe vahakile maji, nambolo yayilelu yimwe, ajilunjikile hamaji aze nahalihinji lyacilyo.
27Kaha vyosenevi avihakile hamavoko aAlone nahamavoko avana venyi, avihungixile kupwa wana wakuhungisa kumeso aYehova.
28Mose avitambwile kumavoko avo, avilumbilile halijiko lyakulumbila hawana wakulumba. Vyapwile vyahakuhandunwina kuupilixitu, kupwa livumba lyalupengopengo. Wapwile wana wakwoca hakakahya wakuhana kuli Yehova.
29Mose ambacile pambo, alihungixile kupwa wana wakuhungisa kumeso aYehova. Capwile cazano caMose cakucizamba uze wahakuhandunwina kuupilixitu, nge omu vamulwezele Mose kuli Yehova.
30Mose ambacile kumaji akuwavisa, nakumanyingaze apwile halijiko lyakulumbila, avisapwilile hali Alone, nahavize vyenyi vyakuvwala, nahali vana venyi, nahavize vyavana venyi vyakuvwala nenyi hamwe, kaha ajilikile Alone, navize vyenyi vyakuvwala, navana venyi, navize vyavana venyi vyakuvwala nenyi hamwe.
31Mose ambile kuli Alone nakuli vana venyi ngwenyi, Telekelenu nyama kucikolo cambalaka yakuliwanyina, muyilile kuze najimbolojo jili mumutonga wahakuhandunwina kuupilixitu, nge omu ngunamilweze ngwami, Alone navana venyi vayilye.
32Kahovyo navisalaho kunyama nakujimbolo muvilumba hakakahya.
33Kanda mulovoka kucikolo cambalaka yakuliwanyina makumbi atanu naavaliko, kuvangomu Mwalinga makumbi akumihandunwina kuupilixitu anahicimo lyehi. Mwomwo mwamihandunwinanga kuupilixitu makumbi atanu naavali.
34Mutunalingi lelo, ngoco vene mwanamihane Yehova kulama, kukumilingila cakufwika xili.
35Twamenunga namusana naufuku makumbi atanu naavali kucikolo cambalaka yakuliwanyina, mulamenga mwanamihane Yehova kulama, kucina namufwa. Mwomwo ngoco muvanangulweze.
36Kaha Alone navana venyi valingile vyuma vyosena vize avalwezele Yehova muli Mose.
Alone himwavatula vimuna
Currently Selected:
VYAVALEVI 8: LUE70
Highlight
Copy
Compare
Share
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
