VYAVALEVI 6
6
1Yehova ahanjikile kuli Mose ngwenyi,
2Kaci nge mutu mwavulumuna, nakuhengesa kumeso aYehova, nakwonga mukwavo kucuma cimwe vamuselanga kulama, mokomoko kundando, mokomoko hakupupa, mokomoko nalyapula mukwavo,
3mokomoko nawane cuma cajimbalanga nakucitangisa nakulixinga mwakwonga, kucuma cimwe cavyuma vyosenevi mwalinga mutu nakuvulumunako,
4kaha cikapwe, kaci nge navulumuna, nge ali namulonga, akahilwise oco atambulanga hakupupa, mokomoko cuma kana awananga hakulyapula, mokomoko cuma cize vamuselanga kulama, mokomoko cuma cakujimbala cize nawane,
5cipwe cexoco nalixingila mwakwonga. Akacihilwise cosena lukombo, akahakileko nawa cimbwa cimwe cakusokesa muvimbwa vitanu. Akacinehe kuli mwenyaco halikumbi lize navakalinga vanamuwane namulonga.
6Wana wenyi wahakuhingika akaunehe kuli Yehova, cizamba camukoko wakuzeneka katenga wakuutanga wavimuna vavandende, nganomu nawesekela, kupwa wana wahakuhingika. Akaunehe kuli kapilixitu.
7Ngoco kapilixitu mwamulingila cakufwika xili kumeso aYehova, kaha navamukonekela mwexomwo nalingi nakuliwanyinamo mulonga.
Jiximbi jamawana
8Yehova ahanjikile kuli Mose ngwenyi,
9Valweze Alone navana venyi ngwove, Elu lukiko luximbi lwawana wakulumba. Wana wakulumba Ukatwamenga haze halijiko lyakulumbila ufuku wosena palanga nahakuca, aha kakahya kalijiko lyakulumbila kakakwatengaho.
10Kapilixitu akavwale #Kulo. 28.39, 42; 39.27, 28.lihina lyenyi lyalinyu, naputula yenyi yalinyu nawa akayivwale hamujimba wenyi, kaha akanone wuto uze unasaleho omu nakakalinga kakahya kanali lyehi wana wakulumba halijiko lyakulumbila, akautumbike kutenga yalijiko lyakulumbila.
11Akazule mahinenyi, akavwale mahineka, akautwale wuto kusali yacilombo kuma kutoma.
12Kakahya kali halijiko lyakulumbila kakakwatengaho, kanda kakajimako. Kapilixitu akawemeseho jikunyi hacimene hacimene. Akalongeseho wana wakulumba, akalumbileho maji akumawana akulweza keke.
13Kakahya kakatwamenga makumbi osena halijiko lyakulumbila. Kanda kakajimako.
14Elu lukiko luximbi lwawana wakulya. Vana vaAlone vakauhane kumeso aYehova kulutwe lwalijiko lyakulumbila.
15Kapilixitu akatapuleko livoko lyenyi lyato kuwunga wakusalulula wawana wakulya, nakumaji awo, nalavona yosena yili hawana wakulya, akavilumbile halijiko lyakulumbila, kupwa livumba lyalupengopengo, kupwa oco cawo cakwanukilaho kuli Yehova.
16Kahowo unasaleho Alone navana venyi vakaulye. Vakaulile wakuzeneka cimbalwila kuma kwajila. Vakaulile mucipango cambalaka yakuliwanyina.
17Kanda vakawoca nacimbalwilako. Ngunauhane kupwa cazano cavo kumawanami akwoca hakakahya. Ukiko wajila cikuma, nge omu wapwa wana wahaxili, nge omu wapwa wana wahakuhingika.
18 #
Koli. 1, 9.13. Malunga vavana VaAlone vosena vakaulye, hicazano cenyi cakumawana aYehova akwoca hakakahya, haya myaka yosena namukusemunwina cenu cosena. Wexowo mwakakwatako himwakapwa wajila.
19Yehova ahanjikile kuli Mose ngwenyi,
20Ou ukiko wana waAlone navana venyi, ou navakahana kuli Yehova halikumbi lyakumuwavisa, cimbwa cimwe cakusokesa muvimbwa vyalifwa likumi cawunga wakusalulula, kupwa wana wakulya wahaya myaka, cimbwa hacimene cimbwa hacingoloxi.
21Vakauzate namaji hacifwoyo cakwocela. Omu naukalinga unatambula lyehi maji, numba mukawingise. Wana kana wakulya mukauhana vihanda vyakwoca, kupwa livumba lyalupengopengo kuli Yehova.
22Kapilixitu ou vawavisa lyehi akaunehe, ou wakuli vana venyi mwakapwako kukahela kenyi. Vakaulumbe wosena wakuhana kuli Yehova hacilika cahaya myaka yosena.
23Mawana akapilixitu akulya osena vakawalumbe osena lukombo, kanda vakawalyako.
24Yehova ahanjikile kuli Mose ngwenyi,
25Hanjika kuli Alone nakuli vana venyi ngwove, Elu lukiko luximbi lwawana wahaxili. Okwo veji kujihilanga wana wakulumba, kwokwo vene vakajihileko nawana wahaxili nawa kumeso aYehova. Ukiko wajila cikuma.
26Kapilixitu uze mwakauhana haxili, ikiye akaulye. Vakaulile kuma kwajila, mucipango cambalaka yakuliwanyina.
27Cexoco nacikakwata hanyama yawo hinacikapwa cajila. Omu navakasapwila kumanyingawo halihina, olyo vawasapwilanga ukalikosela kuma kwajila. Oloze ndeho yauma vanauteleka vakayijihe.
28Kaha nge vanauteleka mundeho yaunengu, vakayikumbe, vakayikosolole nameya.
29Malunga vavapilixitu vosena vakalyeko. Ukiko wajila cikuma.
30Kumawana ahaxili osena, owo navaneha kumanyingawo mumbalaka yakuliwanyina nakulinga cakufwika xili muze mwajila, kanda vakalya umweko. Vakawalumbe osena hakakahya.
Currently Selected:
VYAVALEVI 6: LUE70
Highlight
Copy
Compare
Share
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
