VYAVALEVI 5
5
1Kaci nge mutu mwavulumuna #Vixi. 29.24.hakwivwa lizu lyakuxingisa, ikiye vene Cinjiho, cipwe amonako, cipwe natacikiza, kaci nge kexi kucilwezako, kaha mwambata kuhenga cenyi.
2Mokomoko, kaci nge mutu mwakwata #11.8, 11, 24-39; Kula. 19.11-16; Luxi. 14.8.hacuma cacipi cimwe, cipwe hamujimba wakanyama wakufwa wamupi, cipwe hamujimba wacimuna wakufwa wamupi, cipwe hamujimba wamuka-kuhalala wakufwa wamupi, nge kacamulumbunu-kilileko, oloze napihi, kaha himwapwa namulonga.
3Mokomoko kaci nge mwakwata hakupihya camutu, kupihya cenyi cexoco napihila, nge kacamulumbu-nukilileko, omu mwacitacikiza himwapwa namulonga.
4Mokomoko, kaci nge mutu mwalixinga cakulusuka namivumbo yenyi ngwenyi, alinge mwamupi, mokomoko ngwenyi, alinge mwamwaza, cexoco mwahanjika mutu cakulusuka nakulixinga, nge kacamulumbunu-kilileko, omu mwacitacikiza himwapwa namulonga kucuma cimwe cavyevi.
5Kaha cikapwe, omu mwapwa namulonga kucuma cimwe cavyevi, #Vixi. 28.13.etavile oho navulumuna.
6Kaha wana wenyi wahakuhingika akaunehe kuli Yehova hamulonga wenyi navulumuna, cipwevo wakuutanga wavimuna vavandende, cipwe mwanamukoko, cipwe pembe, kupwa wana wahaxili. Ngoco kapilixitu mwamulingila cakufwika mulonga wenyi.
7Kaci nge vikumba vyenyi kavyata mumusambako, wana wenyi wahakuhingika, oho vene navulumuna, akaunehe kuli Yehova, tutela vavali mokomoko vana vamayembe vavali, umwe kupwa wana wahaxili, mukwavo kupwa wana wakulumba.
8Akavanehe kuli kapilixitu, kaha ikiye akahane ou wawana wahaxili hakulivanga, akasonye mutwe wenyi kuxingo yenyi, oloze kanda akamuhandununako.
9Akasapwile kumanyinga awana wahaxili kuluhaci lwalijiko lyakulumbila. Kaha manyingaze anasaleho akawahicixile kuxina yalijiko lyakulumbila. Unapu wana wahaxili.
10Ou wamucivali akamulumbe kupwa wana wakulumba nge mwaya lizu lyakuyula. Ngoco kapilixitu mwamulingila cakufwika hamulonga wenyi navulumuna, kaha navamukonekela.
11Oloze kaci nge vikumba vyenyi kavyata mututela vavaliko, cipwe muvana vamayembe vavali, kaha akanehe wana wenyi wahoho navulumuna, cikiko cimbwa cimwe cakusokesa muvimbwa vyalifwa likumi cawunga wakusalulula, kupwa wana wahaxili. Kanda akahakaho majiko, cipwe kuhakaho lavona, mwomwo ukiko wana wahaxili, xikaho.
12Akaunehe kuli kapilixitu, kaha kapilixitu akatapuleho livoko lyenyi lyato kupwa oco cawo cakwanukilaho, akacilumbe halijiko lyakulumbila hamawana aYehova akwoca hakakahya. Ukiko wana wahaxili.
13Ngoco kapilixitu mwamulingila cakufwika mulonga wenyi navulumuna kucuma cimwe cavyevi, kaha navamukonekela. Owo unasaleho upwe wakapilixitu, nge kuwana wakulya.
Mawana ahakuhingika
14Yehova ahanjikile kuli Mose ngwenyi,
15Kaci nge mutu mwahengesa nakuvulumuna kuvyuma vyaYehova vyajila hakutamuka, kaha wana wenyi wahakuhingika akaunehe kuli Yehova, cizamba camukoko wakuzeneka katenga wakuutanga wavimuna vavandende, nganomu nawesekela palata #5.15:Xekele yimwe yapwile kafwe maxilingi avali nasikisi natiki.kujixekele, nge kutesa naxekele yakuzuvo yajila, kupwa wana wahakuhingika.
16Kaha akaxixisemo muze avulumunanga kucuma cajila, akahakileko nawa cimbwa cimwe cakusokesa muvimbwa vitanu, akacihane kuli kapilixitu. Ngoco kapilixitu mwamulingila cakufwika xili nacizamba camukoko wawana wahakuhingika, kaha navamukonekela.
17Kaci nge mutu mwavulumuna nakulinga cuma cimwe cavyuma vyosena vize nakande Yehova ngwenyi, Kanda vakavilingako, cipwe kacitacikijileko, oloze ali namulonga, kaha mwambata kuhenga cenyi.
18Akanehe cizamba camukoko wakuzeneka katenga wakuutanga wavimuna vavandende kuli kapilixitu nganomu nawesekela, kupwa wana wahakuhingika. Ngoco kapilixitu mwamulingila cakufwika hamutamu wenyi atamukanga cakuzeneka kutacikiza, kaha navamukonekela.
19Ukiko wana wahakuhingika, mutonga ali nawo vene kumeso aYehova.
Currently Selected:
VYAVALEVI 5: LUE70
Highlight
Copy
Compare
Share
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
