VYAVALEVI 3
3
1Kaci nge wana wenyi unapu wacimuna wakuvatula wamawana akulweza keke, kaci nge mwahana wakuutanga wavangombe, cipwe cilunga cipwe cipwevo, akamuhane wakuzeneka katenga kumeso aYehova.
2Akanangike livoko lyenyi hamutwe wawana wenyi, akamujihile kucikolo cambalaka yakuliwanyina. Kaha vapilixitu vana VaAlone vakasapwile manyinga kulijiko lyakulumbila jingulwixi ndo.
3Kucimuna kana wakuvatula wamawana akulweza keke akahaneko wana wakwoca hakakahya wakuhana kuli Yehova, maji ali helu lyavize vyamujimo, namaji osenaze ali havize vyamujimo,
4najiyise josena jivali, namaji aliho ali kumitanda, naciwuva camaji cili halisuli akacifumiseko najiyise hamwe.
5Vana vaAlone vakavilumbile halijiko lyakulumbila hawana wakulumba uli hajikunyi jili hakakahya. Unapu wana wakwoca hakakahya walivumba lyalupengopengo kuli Yehova.
6Kaci nge wana wenyi wacimuna wakuvatula wamawana akulweza keke akuhana kuli Yehova unapu wakuutanga wavimuna vavandende, cipwe cilunga cipwe cipwevo, akamuhane wakuzeneka katenga.
7Kaci nge mwahana mwanamukoko kupwa wana wenyi, akamuhane kumeso aYehova.
8Akanangike livoko lyenyi hamutwe wawana wenyi, akamujihile kulutwe lwambalaka yakuliwanyina. Vana VaAlone vakasapwile manyingenyi kulijiko lyakulumbila jingulwixi ndo.
9Kaha kucimuna wakuvatula wamawana akulweza keke akahaneko wana wakwoca hakakahya wakuhana kuli Yehova, maji enyi, namukila wamaji wosena, akaufumise wosena nakucimbolombolo, namaji ali helu lyavize vyamujimo, namaji osenaze ali havize vyamujimo,
10najiyise josena jivali, namaji aliho ali kumitanda, naciwuva camaji cili halisuli akacifumiseko najiyise hamwe.
11Kaha kapilixitu akavilumbile halijiko lyakulumbila. Cinapu kulya cawana wakwoca hakakahya wakuhana kuli Yehova.
12Kaci nge wana wenyi unapu pembe, akamuhane kumeso aYehova.
13Akanangike livoko lyenyi hamutwe wenyi, akamujihile kulutwe lwambalaka yakuliwanyina. Vana VaAlone vakasapwile manyingenyi kulijiko lyakulumbila jingulwixi ndo.
14Kaha akahaneko wana wenyi, wana wakwoca hakakahya wakuhana kuli Yehova, maji ali helu lyavize vyamujimo, namaji osenaze ali havize vyamujimo,
15najiyise josena jivali, namaji aliho ali kumitanda, naciwuva camaji cili halisuli akacifumiseko najiyise hamwe.
16Kaha kapilixitu akavilumbile halijiko lyakulumbila. Cinapu kulya cawana wakwoca hakakahya kupwa livumba lyalupengopengo. Maji osena anapu aYehova.
17Cipwenga cilika cahaya myaka yosena mukusemunwina cenu cosena kwosena namukatwama ngwami, Kanda mukalya cipwe maji, #17.10-16.cipwe manyingako.
Mawana ahaxili
Currently Selected:
VYAVALEVI 3: LUE70
Highlight
Copy
Compare
Share
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
