VYAVALEVI 2
2
1Omu mwaneha mutu wana wakulya kuli Yehova, wana wenyi ukapwe wawunga wakusalulula. Akahingunwineho maji nakuhakako #2.1 Ulilila waciputa wandando yayinene, wakuwema nakulovola livumba lya mwaza cikuma.lavona.
2Akaunehe kuli vapilixitu vana vaAlone. Akatapuleho livoko lyenyi lyato lyawunga wawo wakusalulula, namaji awo nalavona yawo yosena. Kaha kapilixitu ukavilumbile kupwa oco cawo cakwanukilaho halijiko lyakulumbila, hiwana wakwoca hakakahya, walivumba lyalupengopengo kuli Yehova.
3Kahowo unasaleho kuwana wakulya ukapwe waAlone navana venyi. Cikiko cuma cajila cikuma kumawana aYehova akwoca hakakahya.
4Omu namuhana wana wakulya wakwoca mufwolonyi, ukapwe wajimbolo jakuzeneka cimbalwila jawunga wakusalulula vanahingunwina maji, mokomoko jimbolo jakuzeneka cimbalwila jajilelu vanawavisa maji.
5Kaci nge wana wenu unapu wana wakulya wahacifwoyo cakwocela, ukapwe wawunga wakusalulula wakuzeneka cimbalwila, vanahingunwina maji.
6Mukaupuzule vihanda, mukahingunwineho maji. Ukiko wana wakulya.
7Kaci nge wana wenu unapu wana wakulya wahacikango, vakauzate nawunga wakusalulula, namaji.
8Wana wakulya uze vanazate lyehi navyumevi mukauneha kuli Yehova. Vakaunehe kuli kapilixitu, kaha akautwale kulijiko lyakulumbila.
9Oco cawo cakwanukilaho kapilixitu akacitapuleko kuwana wakulya uze, akacilumbile halijiko lyakulumbila, hiwana wakwoca hakakahya, walivumba lyalupengopengo kuli Yehova.
10Kahowo unasaleho kuwana wakulya ukapwe waAlone navana venyi. Cikiko cuma cajila cikuma kumawana aYehova akwoca hakakahya.
11Mawana akulya osenaze namukaneha kuli Yehova #Kulo. 23.18; 34.25.kanda vakawazata nacimbalwilako. Mwomwo kanda mukalumba cimbalwilako, cipwe kulumba wuci kupwa wana wakwoca hakakahya wakuhana kuli Yehovako.
12Mukavihana kuli Yehova kupwa wana wavyuma vyakulivanga, Oloze kanda vakavilumba kupwa livumba lyalupengopengo halijiko lyakulumbilako.
13Kumawanenu akulya, mawanosena mukatovamo mungwa. Kumawanenu akulya kanda mukahonesako mungwa waluxiko lwaKalunga kenuko. Kumawanenu osena muka-hananga namungwa nawa.
14Kaci nge namumuhana Yehova wana wajimbuto jakulivanga, mukaneha wana wakulya wajimbuto jenu jakulivanga wamitwe yakwoca hakakahya, masola akumitwe yituta.
15Mukahakaho maji, mukahakeho lavona nawa. Ukiko wana wakulya.
16Kapilixitu akalumbe oco cawo cakwanukilaho, cimbwa camasolawo, nacimbwa camaji awo nalavona yawo yosena. Ukiko wana wakwoca hakakahya wakuhana kuli Yehova.
Mawana akulweza keke
Currently Selected:
VYAVALEVI 2: LUE70
Highlight
Copy
Compare
Share
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
