VYAVALEVI 24
24
Omu navalamanga linongo
(Kulo. 27.20-21)
1Yehova ahanjikile kuli Mose ngwenyi,
2Valweze vana vaIsalele, mangana vakunehele maji alive akutwa alinongo atoma, akumunyikisanga linongo makumbi osena.
3Kusali yalihina lyaunjiho lyakuvatasana, mumbalaka yakuliwanyina, Alone akalilongese hakulilama kufumisa kucingoloxi nakuhetesa kucimene kumeso aYehova hamakumbi osena. Cipwenga cilika haya myaka yosena mukusemunwina cenu cosena.
4Alongesenga manongo ahacitumbikilo camanongo citoma kumeso aYehova makumbi osena.
Jimbolo jakulumbika kumeso aKalunga
5Kaha mbata wunga wakusalulula, woce jimbolo likumi najivali. Kuluholo yimwe kukapwe vimbwa vivali vyakusokesa muvimbwa vyalifwa limwe likumi.
6Kajilumbike milumba yivali, jitanu nayimwe kumulumba kumulumba hamesa yitoma kumeso aYehova.
7Ukahaka #24.7:Tala 2.1.lavona yakutomesa hamulumba hamulumba, mangana yikapwe yakwanukilaho hambolo, wana wakwoca hakakahya wakuhana kuli Yehova.
8 #
Mateu 12.5. Halikumbi lyasambata halikumbi lyasambata akajilongese kumeso aYehova hamakumbi osena. Jinapu jahali vana vaIsalele, luxiko lwahaya myaka yosena.
9 #
Mateu 12.4; Mako 2.26; Luka 6.4. Najipwa jaAlone navana venyi, kaha vakajilile kuma kwajila. Mwomwo jikiko jajila cikuma kuli ikiye kumawana aYehova akwoca hakakahya, hacilika cahaya myaka yosena.
Navazangamisou mwasaula Lijina lyaKalunga
10Jino lunga umwe mwanapwevo kaIsalele, ise kaEjipitu, alovokele nakuya muli vana vaIsalele. Kaha uze lunga mwanapwevo kaIsalele nalunga wakaIsalele valikokojwesele kucilombo.
11Uze lunga mwanapwevo kaIsalele asawile #Kulo. 3.15; 22.28.Lijina, angwile. Kaha vamunehele kuli Mose. Lijina lyanaye apwile ikiye Xelomite mwanaNjivili wakumuyaci waNdane.
12Kaha vamuhakile mwakumulamina palanga nomu vavalumbunwinyineco kukanwa kaYehova.
13Yehova ahanjikile kuli Mose ngwenyi,
14Mulovole ou nangula kusali yacilombo. Vosena vamwivwanga vanangike mavoko avo hamutwe wenyi, kaha lizavu lyosena limwase malolwa.
15Kaha hanjika kuli vana vaIsalele ngwove, Wose mwangula Kalunga kenyi mwambata mulonga wenyi.
16Kahou mwasaula lijina lyaYehova vamujihe cakumujiha. Lizavu lyosena limwase malolwa, nayou nazuzumanamo nayou nasemukila mulifuci, omu mwasaula lijina lyaYehova vamujihe.
17Kahou mwaveta mutu nakumujiha, vamujihe cakumujiha.
18Kahou mwaveta kanyama nakumujiha, axixisemo, mwono namwono ndwa.
19Kaci nge mutu mwatengula mukwavo, nganomu nawa nalingi ikiye, ngoco vene munavamulinga,
20cito nacito ndwa, #Mateu 5.38.naliso naliso ndwa, nalizo nalizo ndwa, nganomu natengula mutu, ngoco munavamutengula ikiye.
21Ou mwajiha kanyama axixisemo. Kahou mwajiha mutu vamujihe.
22Mupwenga nakuyula cimwe kaha, nakuli ou nazuzumanamo nakuli ou nasemukila mulifuci. Mwomwo Ami yami Yehova Kalunga kenu.
23Mose ahanjikile kuli vana vaIsalele, kaha vamulowele uze angwile kusali yacilombo, vamwaxile malolwa. Kaha vana vaIsalele valingile nge omu valwezele Mose kuli Yehova.
Currently Selected:
VYAVALEVI 24: LUE70
Highlight
Copy
Compare
Share
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
