VYAVALEVI 1
1
Mawana akulumba
1Yehova atambakanyine kuli Mose, ahanjikile kuli ikiye nalizu lyakufuma #1.1:Tala Kulovoka 25.22.mumbalaka yakuliwanyina ngwenyi,
2Hanjika kuli vana vaIsalele uvambulile ngwove, Omu mwahana mukwenu mutu wana kuli Yehova, wana wenu mukauhana wacimuna, wakuutanga wavangombe mokomoko wakuutanga wavimuna vavandende.
3Kaci nge wana wenyi unapu wana wakulumba wakuutanga wavangombe, akamuhane cilunga #22.20-24; Luxi. 15.21; 17.1. wakuzeneka katenga. Akamunehe kucikolo cambalaka yakuliwanyina, mangana vakamwitavile kuli Yehova.
4Akanangike livoko lyenyi hamutwe wawana wakulumba. Kaha navawitavila hali ikiye nakumulingila cakufwika xili.
5Akajihe uze ngombe wacikuji kumeso aYehova. Vapilixitu vana vaAlone vakapandamise manyinga, vakasapwile manyinga kulijiko lyakulumbila lili kucikolo cambalaka yakuliwanyina jingulwixi ndo.
6Akove uze wana wakulumba, akamutete vipuka vyenyi.
7Vana vakapilixitu Alone vakahake kakahya halijiko lyakulumbila, vakalongese jikunyi hakakahya.
8Kaha vapilixitu vana vaAlone vakalongese vipuka, namutwe nawa namaji, hajikunyi jili hakakahya kali halijiko lyakulumbila.
9Oloze vize vyamujimo lyenyi namahinji enyi akavikose nameya. Kaha kapilixitu akamulumbile wosena halijiko lyakulumbila kupwa wana wakulumba, wana wakwoca hakakahya, #Kulo. 29.18, 25; Efwe. 5.2.walivumba lyalupengopengo kuli Yehova.
10Kaci nge wana wenyi unapu wakuutanga wavimuna vavandende, wamukoko, mokomoko wapembe, kupwa wana wakulumba, akamuhane cilunga wakuzeneka katenga.
11Akamujihile kuluhaci lwalijiko lyakulumbila lwakutala kunote kumeso aYehova. Vapilixitu vana vaAlone vakasapwile manyingenyi kulijiko lyakulumbila jingulwixi ndo.
12Akamutete vipuka vyenyi, namutwe wenyi nawa namaji enyi. Kaha kapilixitu akavilongese hajikunyi jili hakakahya kali halijiko lyakulumbila.
13Oloze vize vyamujimo namahinji akavikose nameya. Kaha kapilixitu akamupandamise wosena akamulumbile halijiko lyakulumbila. Unapu wana wakulumba, wana wakwoca hakakahya, walivumba lyalupengopengo kuli Yehova.
14Kaci nge wana wenyi mwahana kuli Yehova unapu wana wakulumba wakajila, akanehe wana wenyi wakatela, mokomoko mwanaliyembe.
15Kapilixitu akamunehe kulijiko lyakulumbila, akasonye mutwe wenyi, akamulumbile halijiko lyakulumbila. Manyingenyi akawahicixile kuluhaci lwalijiko lyakulumbila.
16Akafumiseko lisakusaku lyenyi navize vilimo, akavimbile kutenga yalijiko lyakulumbila kumusamuko, oku kwauto.
17Akamupulile kumavavenyi, oloze kanda akamuhandununako. Kaha kapilixitu akamulumbile halijiko lyakulumbila hajikunyi jili hakakahya. Unapu wana wakulumba, wana wakwoca hakakahya, walivumba lyalupengopengo kuli Yehova.
Mawana akulya
Currently Selected:
VYAVALEVI 1: LUE70
Highlight
Copy
Compare
Share
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
