VYAVALEVI 15
15
Vyavipi evi navihita kumujimba
1Yehova ahanjikile kuli Mose nakuli Alone ngwenyi,
2Hanjikenu kuli vana vaIsalele muvambulile ngwenu, Mutu hakupwa navimwe vili nakumuhita kumujimba wenyi, mwomwo havyenyi vili nakumuhita, xikaho napihi.
3Kaheci cikiko vene kupihya cenyi kuvyenyi vili nakumuhita, cipwe mujimba wenyi ucili nakuhicisovyo vyakumuhita, cipwe mujimba wenyi unakanguka lyehi kuvize vyapwanga nakumuhita, cikiko vene kupihya cenyi.
4Tuhela twosena mwasavala uze ali navize vili nakumuhita natupihya. Vyuma vyosena mwatwama navipihya.
5Wexowo mwakwata hakahela kenyi akose mahinenyi, asane meya mumujimba wenyi, kaha mwapihya palanga nahakulauka calikumbi.
6Ou mwatwama hacuma hicuma oco atwamangou ali navize vili nakumuhita, akose mahinenyi, asane meya mumujimba wenyi, kaha mwapihya palanga nahakulauka calikumbi.
7Ou mwakwata hamujimba wayou ali navize vili nakumuhita, akose mahinenyi, asane meya mumujimba wenyi, kaha mwapihya palanga nahakulauka calikumbi.
8Ou ali navize vili nakumuhita, kaci nge mwafwijila maleji hali ou natomo, mutu kana akose mahinenyi, asane meya mumujimba wenyi, kaha mwapihya palanga nahakulauka calikumbi.
9Yexoyo selei mwatwamou ali navize vili nakumuhita nayipihya.
10Wexowo mwakwata kucuma cimwe capwanga muxi yenyi mwapihya palanga nahakulauka calikumbi. Ou mwambata vyuma kana akose mahinenyi, asane meya mumujimba wenyi, kaha mwapihya palanga nahakulauka calikumbi.
11Wexowo navasalika kuli ou ali navize vili nakumuhita, nge kasanyine kumavoko enyiko, mutu uze akose mahinenyi, asane meya mumujimba wenyi, kaha mwapihya palanga nahakulauka calikumbi.
12Cuma cauma cize mwasalikou ali navize vili nakumuhita vacijihe, kaha vyuma vyamutondo vyosena vavikose nameya.
13Ou ali navize vili nakumuhita, omu mwalinga hanatomo lyehi kuvize vyakumuhita, alilavile makumbi akulitomesa atanu naavali, kaha akakose mahinenyi, akasane meya amuta mumujimba wenyi, kaha himwatoma.
14Halikumbi lyamucitanu naatatu akalimbacile tutela vavali, mokomoko vana vamayembe vavali, akeze kumeso aYehova kucikolo cambalaka yakuliwanyina, akavahane kuli kapilixitu.
15Kapilixitu akavahane, umwe kupwa wana wahaxili, mukwavo kupwa wana wakulumba. Ngoco kapilixitu mwamulingila cakufwika havize vyakumuhita kumeso aYehova.
16Kaci nge mbuto yalunga yakusema nayimufuma, asane meya mumujimba wenyi wosena, kaha mwapihya palanga nahakulauka calikumbi.
17Mahinosena namalambu osenaze hali mbuto yakusema vavikose nameya, kaha navipihya palanga nahakulauka calikumbi.
18Napwevo nawa, ou mwasavala lunga nenyi nakulimona nenyi, vosena vavali vasane meya, kaha navapihya palanga nahakuiauka calikumbi.
19Kaci nge pwevo ali navimwe vili nakumuhita, nge evi vili nakumuhita kumujimba wenyi himanyinga, atwamenga kwenyi kusali makumbi atanu naavali. Wexowo mwamusalika mwapihya palanga nahakulauka calikumbi.
20Cexoco cuma mwasavala ximbu ali kusali nacipihya. Cexoco cuma mwatwama nacipihya.
21Wexowo mwakwata hakahela kenyi akose mahinenyi, asane meya mumujimba wenyi, kaha mwapihya palanga nahakuiauka calikumbi.
22Wexowo mwakwata hacuma cimwe eji kutwama ikiye, akose mahinenyi, asane meya mumujimba wenyi, kaha mwapihya palanga nahakulauka calikumbi.
23Kaci nge ali kukahela, mokomoko hacuma cimwe eji kutwama uze pwevo, omu mwakwatako mwapihya palanga nahakuiauka calikumbi.
24Kaci nge lunga mwasavala nenyi, nge kupihya cenyi nacikwata hali ikiye, uze lunga mwapihya makumbi atanu naavali, kaha tuhela twosena mwasavala natupihya.
25 #
Mateu 9.20; Mako 5.25; Luka 8.43. Kaci nge pwevo ali nakuhicisa manyinga hamakumbi amavulu eka, kexi makumbi aze ali kusaliko, mokomoko kaci nge nawamuhita kuhambakana makumbi aze ali kusali, hamakumbi osenaze akumuhita kupihya cenyi apwenga nge hamakumbi aze ali kusali, napihi.
26Tuhela twosena mwasavala makumbi osena akumuhita tukapwe kuli ikiye nge kahela kenyi kahaze ali kusali. Vyosena vize mwatwama navipihya nge kukupihya cakupwa cenyi kusali.
27Wexowo mwakwata havyumovyo mwapihya, kaha akose mahinenyi, asane meya mumujimba wenyi, kaha mwapihya palanga nahakuiauka calikumbi.
28Oloze kaci nge pwevo natomo lyehi kuvize vyakumuhita, kaha alilavile makumbi atanu naavali, hakukuminyina numba atome.
29Halikumbi lyamucitanu naatatu alimbacile tutela vavali, mokomoko vana vamayembe vavali, akavanehe kuli kapilixitu kucikolo cambalaka yakuliwanyina.
30Kapilixitu akahane umwe kupwa wana wahaxili, namukwavo kupwa wana wakulumba. Ngoco kapilixitu mwamulingila cakufwika havize vyakupihya cenyi vyakumuhita kumeso aYehova.
31Ngoco munamukahandununa vana vaIsalele kukupihya cavo, kucina navakafwa mukupihya cavo, omu navapihisa #15.31:Tala 8.10.tavanaku yami yili mukaci kavo.
32Elu lukiko luximbi lwayou ali navimwe vili nakumuhita, nalwelu lwayou nayifuma mbuto yakusema, ngoco himwapihilaho,
33nalwelu lwapwevo uze ali kusali nakupihya cenyi, nalwelu lwayou ali navimwe vyakumuhita, elu lwalunga, nalwelu lwapwevo, nalwelu lwalungou mwasavala napwevo omu napihi.
Currently Selected:
VYAVALEVI 15: LUE70
Highlight
Copy
Compare
Share
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
