VYAVALEVI 12
12
Kutomesa mapwevo omu vanaseme lyehi vana
1Yehova ahanjikile kuli Mose ngwenyi,
2Hanjika kuli vana vaIsalele ngwove, Kaci nge pwevo mwemita lijimo nakusema mwana walunga, kaha mwapihya makumbi atanu naavali. Nge hamakumbi enyi aze napihila hakupwa kusali, ngoco vene mumwapihya.
3Halikumbi lyamucitanu naatatu vakenge nyama yamuvumbo wamwanenyi.
4Kaha pwevo atwamenga makumbi makumi atatu namakumbi atatu kumanyinga akumutomesa. Kanda akakwata hacuma cakujilika cimweko, cipwe kwingilomu mwajila, palanga nomu anatemo makumbi akumutomesa.
5Oloze kaci nge mwasema mwana wapwevo, kaha mwapihya jisemana jivali, nge omu vene ali kusali. Kaha atwamenga makumbi makumi atanu nalimwe namakumbi atanu nalimwe kumanyinga akumutomesa.
6Kahomu #Luka 2.22.nawatamo makumbi akumutomesa, cipwe hali mwana walunga, cipwe hali mwana wapwevo, akanehe mwanamukoko wamwaka umwe kupwa wana wakulumba, namwanaliyembe, mokomoko katela, kupwa wana wahaxili, kucikolo cambalaka yakuliwanyina, kuli kapilixitu.
7Kapilixitu akavanehe kumeso aYehova akamulingile pwevo cakufwika kupihya, kaha navamutomesa kukuhicisa cenyi manyinga. Elu lukiko luximbi lwayou mwasapuluka, cipwe mwasema mwana walunga, cipwe mwana wapwevo.
8Kaci nge vikumba vyenyi kavyata mumusambako, kaha #Luka 2.22-24.akeze natutela vavali, mokomoko vana vamayembe vavali, umwe kupwa wana wakulumba, mukwavo kupwa wana wahaxili. Ngoco kapilixitu mwamulingila cakufwika kupihya, kaha himwatoma.
Currently Selected:
VYAVALEVI 12: LUE70
Highlight
Copy
Compare
Share
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
